| Marshy's profile嘉儀addicted to MUSIC/野食PhotosBlogLists |  Tools  Help |
|
September 29 大隻LIM~昨天去了探望大家姐的女女~廉廉(又稱廉姐)
無見大半個月, 嘩~廉姐又大個左好多啦~
頭髮多了~笑聲多了~表情都多了~
雖然還未可以自己企係度,
但有人扶著時走得也很快啊!!!
整個下午都在跟她玩耍, 又獨個兒去爬樓梯
午睡只睡了15分鐘又起來玩了
跟著我又和她一起看書,
不知道到底她懂不懂看, 但她一副全神貫注的表情真的很攪笑~
廉姐一見到我的電話就會想辦法拿到,
如果下次佢參加BB爬行大賽的話一定要拿我的手機去啊~~^0^
很難才可以拿著我的手機跟廉姐自拍的呀~~拍完下一秒手機巳經在廉姐手上了....=.=
探望完廉姐跟大家姐之後, 就去跟男友約會了~^0^
我地去了銅鑼灣的康龍吃拉面
以前在東京第一次吃康龍拉面時是很好吃的
而3,4年前它在尖東開張時也吃過一次, 覺得還算不錯的~
所以這次就想帶男友來試試
2個人叫了拉面, 2個小食跟2杯飲品
飲了一口湯, 比以前差了...不過還算可以啦
吃一口面, 嘩!!! 點解咁難食既??? 好似食緊蝦籽面一樣....巳經叫了硬面, 但還是淋PAT PAT....十分失望/_\
大家很快吃完, 埋單了~嘩嘩!! 要240蚊?!!??! 有冇攪錯!!!
吃完後2個人都頂住一肚子氣, 真係超級唔抵呀!!
逛了一會銅鑼灣, 都冇咩地方好行
所以最後又是回到德福
行到去德福戲院, 見到有幾套戲都仲有9點幾場
本來想睇個套X眼追擊的,
不過男友唔鐘意睇個男主角
所以去了看'攪乜鬼咁多災難片'
雖然以前都有看過1,2套攪乜鬼系列
不過呢套都算係爛中之王
睇完我完全唔知道佢講咩
一味得個扮人地D戲, 但又扮得唔好笑.....
真係唔明點解會有出品人肯比錢拍埋呢D咁既戲
但又真係有我地呢D蛋散去睇架WOR~~~哈哈~~XDD September 26 三級片昨天晚上跟男友去了megabox吃飯,
吃完飯後大家一起去上了頂樓打機
跟著晚上就去了看最近上畫的三級片'金瓶梅'.
不過成世女, 第一次入戲院睇三級片, 都有d驚驚地
晚場的megabox只上了一場, 仲要係細院, 得4行位
入場時都幾full, 前排仲係成班o靚仔..=.=
其實都知道這是三級片, 一定會有個d鏡頭
不過真係估唔到原來真係成套4分3套戲都係個d場面
為了避免尷尬, 我只好全場都當是一套動作片跟笑片看算了...
不過當真令我大開眼界~~哈哈
但最後的結局真的一頭霧水...@_@
September 25 心沉一直不敢去面對的問題
以為一直逃避著就可以了事
難得的是蕉蕉不厭其煩地一直跟我說一定要去面對
知道了事實的一刻....我自己真的不能接受
這幾天以來不斷的責怪自己
為什麼會這樣!?!
24小時不停的想著, 幾天以來什麼都吃不下
每天只靠半杯水來維持著生命
但我想我這樣是應得的
套某人的一句話: 這全是你自己攞來的
所以我根本沒有資格去博任何人的同情
我知道這件事沒有一個人能夠接受, 當然, 連我自己也不能接受
難得蕉蕉還沒有離棄我這個衰人, 不斷努力的替我解決問題
又不斷的安慰我鼓勵我
我真的受之有愧.....
如果沒有你在, 我想我真的會沒有人肯去幫我, 甚至幫到這個程度
我想如果要我孤身走這條路, 我真的不知道我會做出什麼事情....
我自己巳經很痛苦,
所以我實在不想再讓任何人知道或提起
因為我不是求別人的關心安慰
我只求不希望再聽到任何人對我的責怪吐罵及離棄的聲音. September 23 颱風又來.....今天起床時巳感覺不太對勁
上班時手手腳腳都好像軟弱無力....
但助手請了大假, 什麼時都要自己一腳踢了
真的越做越燥
做到差不多5時多, 天文台就掛了8號了,
老闆也說做好了自己事就可以走
但我怎麼可以走?
一大堆事情都還未攪好
趕到6點半諗住攪好哂想走
點知又一個電話說有批貨出了事
又要攪一大輪攪到7點先走得
燥得我真係嬲到想喊....
晚上跟前幾日一樣, 都係沒什麼胃口
吃了一碗菜, 不過今晚加了2隻雞翼
唉........好像成個人軟下軟下一樣....
September 21 步姐演唱會~今日心情好差....咩都唔想食, 又冇胃口
放工回到家都係msn, 咩都唔想做
到左6點幾, 開始換衫去睇濱崎 步(步姐)的演唱會了!!
雖然買到$780, 不過個位其實都唔係好近, 麻麻地~~
坐地鐵轉機鐵差不多1個小時, 就去到場館~~
本來打算早d去排隊買步姐既紀念品, 不過無心機.....眼白白睇住其他人買到的紀念品....
 無得買唯有睇下塊紙板算了....(￣人￣)
入到去, 嘩~~個台好大好靚, 最衰呢佢又好似舊年咁, 唔比影相, 好多人只可以偷偷地用相機影, 所以都影到好差....<(＿ ＿；)>
到左8點半先正式開show, 嘩~~一來就唱隻好勁既'talkin' 2 myself', d衫又靚~大約每2首歌就換一套衫, 其中又有粉紅格仔露腰裝, barbie式勁閃銀色大長裙, 桃紅配黑色性感舞釀裝, 清純白色娃娃木偶裝, 黑色型格長褸裝, 金色超酷船長裝....等等~真係落重本的!!
仲有尾聲竟然將成隻飛船1比1放左係台上, 真係第一次見到咁豪華的場景!!
步姐亦交足戲, 唱到7情上面, 喊左2次, 又係台上講多左野, 仲講中文~＼(^O^)／
最後encore仲唱左3首歌, 今次以新歌'MY ALL'來作完結~
舊年攞唔到噴出來既銀色紙條, 今次我地攞到啦!!!!!Ｏ(≧▽≦)Ｏ
最後唱到11點就正式散場了~~
最後的場景充滿埃及feel~
場館周圍都掛滿左步姐既大海報~~好靚呀~~o(^o^)o
今年步姐既演唱會標誌~~順便慶祝佢出道10周年呀~~＼(^O^)／太利害了!!!
雖然呢, 唔係好多人鐘意步姐, 有d人又話佢樣太假,
不過呢, 佢不嬲都係我心目中最perfect既女性....
如果可以好似佢咁我都願啦.....(*^__^*) September 18 生日前夕今天是自己的生日前夕
公司仍然好多野做
尋晚一個sms攪到好唔開心,
不過好彩間唔中同下''性感小綿羊''傾下計, 得到佢安慰下都幾開心(*^_^*)
晚上本來想係家休息
但男友想今晚拿眼鏡, 所以就陪佢出了尖咀拿
出到去mtr見到佢, 想起尋晚的sms,
不自覺的係佢面前飲泣了.....( ｐ_ｑ)
嚇到佢不知點算好
不過自己哭了出來心情都舒服點了
拿完眼鏡就坐巴士回家
經過淘大, 男友提議不如先去買左禮物, 費時明天又要拿著, 都好既~
買完後2個去了食糖水~
我吃了榴槤蛋白, 他點了芒果西米露, 吃完大家的口都很臭啊~~(*￣Ｏ￣)b
回到家拆開今年生日/男友送的第一個禮物, 真的很開心!!!Ｏ(≧▽≦)Ｏ
雖然不是什麼貴重禮物, 不過我巳經很滿足了~~o(^o^)o September 17 很久沒見~~昨天番了大陸一整天
今天回來公司很多麻煩事要跟進....Σ(￣◇￣*)
晚上約了很久不見的蕉蕉
本來ELLA姐都說會來, 但最後又是工作纏身來不了......可惜...(￣人￣)
2個人就去了朗豪坊找餐廳
最後閒逛了2個圈,
就去了吃小籠包~
食物ok好吃, 不過d位實在太迫啦.....同搭枱無分別...( ｐ_ｑ)
吃完飯我地慢慢行去mtr就結束了今天的約會了~
不過仍很高興, 很久都沒有跟蕉蕉來個girl talk了~＼(^O^)／
September 16 番大陸~尋晚點幾鐘臨訓前, 突然腦內一閃~~
shit!!! 原來今日一早要番大陸!!o(T□T)o
放左3日假, 我完全將呢件事忘記了!!!
攪到第二朝一早起身就要拿公司部notebook出來抄番哂d資料去用<(＿ ＿；)>
好彩去到羅湖只係遲左少少
嘩~~上面真係熱到hi hi~~成34度, 仲要勁曬!!!
上午去左一間新工廠參觀
中午去了一家韓國料理吃午飯
不過真係勁熱, 都無咩胃口, 只叫了一個冷面
盛惠RMB$15, 真係抵到嘔~味道就一般啦~
不過熱到咁仲要食辣野真係咪攪....(*￣Ｏ￣)
吃完後往另一家工廠跟客人整個下午都在開會...
嘩...真係眼訓到暈....但係又坐正係個客對面, 又唔可以合埋眼
又要扮到真係好耐心地聽佢講......( ｐ_ｑ)
攪到6點幾, 終於攪店哂
但係原來大家都係要去東莞過夜
只得我一個要趕番香港
所以我自己一個就坐個d直通大巴回香港了...
一上車~嘩!! 成車連埋我得2個人
真係咪話唔驚, 一個女仔自己坐呢d咁既大巴
好彩個幾鐘之後就過關了
過關後多番d人上車都無咁驚
不過唔知係咪深圳太熱定空氣太差,
整天都很頭痛....回到香港頂不住了, 就坐的士回家.
回到家都差不多10點了, 晚餐都還未吃
就求其在樓下的美心買了個面
點知打開蓋先知道唔記得叫佢走'青'呀!!!!!!o(T□T)o
真失敗...... September 15 賞月昨天是中秋, 但不知怎的一起身心情就很不開心
不是工作不開心, 又不是感情有問題
好地地但就是覺得心情很低落
什麼都不想做, 只是躺在床上, 眼淚不自覺的流了很多出來
自己也不知道為什麼會哭
嚇得男友不斷SMS來安慰.....( ｐ_ｑ)
染滿眼淚的紙巾一大堆在床上....
可能呢D就係女生有時候會出現的抑鬱???(￣人￣)
旁晚跟男友出了去賞月,
但因為仍未找到最愛的COIN BAG,
所以又在淘大先找找看
到了一家有賣很多面包超人的精品店
看到了一個面包超人頭的COIN BAG, 很可愛嘛!!!Ｏ(≧▽≦)Ｏ
所以最後男友就買了給我啦~~(@^▽^@)
最後2個人慢慢逛到10時多, 就回家了
因為外面真的很悶熱
真的從未試過咁熱過中秋
感覺以為自己去了星加坡/馬來西亞過中秋.....
深夜時從窗外往上望
嘩~~真的有很圓很亮的月亮嘛!!!!v(^^)v
雖然小了一點, 不過也很漂亮的啊~~ September 14 利物狗大戰曼魚尋日一大早跟男友去了吃米線,
其實我很佩服他, 點解一個人可以咁勁吃一大盤的2人米線呢??
說真的我吃了碗一人份量都巳經飽到嘔了.....有時甚至要夾一點面給他....o(^o^)o
吃完2個人坐巴士慢慢去銅鑼灣去看COIN BAG~
因為我的COIN BAG一來實在太難看(是10年前不記得在哪送的附贈品....), 二來條拉鍊都爛了..(￣◇￣*)
所以整個下午都在銅鑼灣找尋最漂亮的COIN BAG
但原來我發現, 原來連香港最潮最IN既銅鑼灣, 賣既COIN BAG都好醜樣....
不止醜, 價錢仲要十分不值
小小的一個COIN BAG有些要2百多元, 真的是搶錢咁搶!!(ノ＞д＜)ノ
最後還是買不成, 走到累壞了, 就去了茶軒吃個綿花冰 綿花冰很好吃呀~我點了咖啡味, 男友點了香芋味 點知原來香芋味道好吃很多, 所以唯有偷偷地不停的吃他那杯♪(￣▽￣)ノ″
吃完後又再逛他最喜歡的書店....
其實我真的不喜歡每次拍拖都要逛書店....間唔中就可以接受
但次次都要逛, 又無得坐, 睇來睇去都係個幾本, 其他個d又無興趣(ノ＞д＜)ノ
最慘係睇完呢間過一會又再睇第二間....唉..... 待在書店待到7點多, 差不多是時候打英超了
2個人就去了neway CEO度睇波兼吃k buffet
我地為免要走來走去, 所以預先拿了很多東西回來吃
嘩~~真係一枱食物呀!!!Ｏ(≧▽≦)Ｏ
不過注意枱上的一大盤意粉不是我拿的, 最後也在完全沒有被碰過的情況之下被人收走了..../_\
最驚奇的是我拿完了食物進了toilet只是3分鐘, 居然曼魚可以入了一球!!!
驚訝得大家都說不出聲
最後睇到完場2比1利物浦小勝曼聯
男友的20蚊賭本亦隨著曼魚首3分鐘的一個入球送了給馬會(因為佢買3比0....)(//▽//)
睇完波, 再唱了一會歌, 玩到11點左右就埋單走人了
2個人由7點半玩到11點, 有埋buffet吃, 埋單460幾, 都差不多吧, 吃一餐飯都差不多啦.
最後2個人坐巴士送我回家, 一天的充實約會又結束了~(*^^*) September 12 世風日下..昨晚在家上網閒聊, 看到有很多關於什麼吉野家的討論,
本來我都完全不清楚其實這是關於什麼樣的報導,
只知道個個在網上都好像攪到很大件事
突然在討論區內看到一條link, 好奇之下click了進去看看.
看罷我實在覺得很不安
不是畫面內容令我不安
而是覺得怎麼現在的社會, 青少年會這樣做?
怎麼會覺得好好玩好有趣?
3數個男子這樣欺負一個少女,
還要把人家最私隱的一面拍下來放上網
這樣做根本是最低劣的行為, 更是令少女一生都蒙上了陰影
欺負的人可恥, 拍片的人更是無恥
這幾個少年比一般強姦犯更下賤
說實在我看後真的很不舒服, 十分後侮進去看了....
到底現在香港的性教育是不是很不足?
有感近年真的越來越多這一類的風化案發生
年齡更是日漸年輕
現在的青少年是否都巳經把'性'這一樣東西當做很隨便, 很隨意的事了?
現在甚至是在工作的地方都會發生這樣的罪案
到底香港/世界還有什麼地方是安全的?
September 11 半天補假自從日本回來, 幾天上班都十分忙很多東西要攪
今天早上起來肚子還是有點痛, 精神不太好
決定快快手趕埋手頭上的東西, 下午放個補假輕鬆一下
正好今天下午男友又有時間, 所以他就過來接我下班了
因為肚子還是有點痛, 所以他還是要放慢腳步慢慢行來配合我
早上沒有吃東西, 所以就先去了附近的茶餐廳吃了一些點心
我很乖沒有飲凍飲啦~~不過天氣那麼熱真的很不習慣還要飲熱熱的東西
跟著2個人去了尖沙咀逛了一會,
計劃下週我生日時吃什麼好 (雖然這樣沒甚驚喜....不過他都是想我吃到我喜歡的東西, 所以我也不介意^^)
行到差不多, 肚子不是太舒服, 又是時候找地方休息一下
所以行到STARBUCK就找了個SOFA位置坐了下來
高高興興地吃了一個簡單的下午茶~
這次我又再忍心捨棄了心愛的凍飲改了飲熱MOCHA.....
逛到差不多5時多, 就坐巴士回家了
路上我又累到訓了在他膊上, 害他的手臂都麻痺了....真的不好意思/__\
晚上回到家肚子又不是很舒服, 最後沒有去上日文班了....
唉, 學了3次都不成, 我想我還是放棄吧...... September 10 牛一了!!!今天是我的牛一了~
由於是平日, 還是照常上班.
下班後大家姐跟姐夫來我家吃飯, 慶祝我生日~
媽媽因為我的生日, 也弄出了一圍的菜出來全部都是我喜歡吃的呀!!!! 8餸一湯真的10人也吃不完呀!!!
大家姐的北海道珍寶帶子被媽媽用來炒西蘭花了....
吃完主菜, 媽媽又拿了一大盤大蝦沙律出來, 嘩~~真的吃不下了....
最後主角出場了!!! 大家姐跟姐夫送給我的生日蛋糕呀!!!!是我最愛的湯面造型蛋糕呀!!! 不消一個鐘, 2磅的蛋糕給我們一家人幹掉了.....
在日本買了個''DUK JER MAN'口水肩給小廉廉~~哈哈~真係攪笑~~ 今天真的很快樂, 如果不是本身肚痛, 我是絕對可以吃得更多的. |
|
|
