| Marshy's profile嘉儀addicted to MUSIC/野食PhotosBlogLists |  Tools  Help |
|
September 28 感動....諗番好耐都冇聽過一首令我感動過既歌啦....
但係最近就聽到呢首歌而感動到差點落淚.......
一青窈
やがて落ち葉と知りながらも 私の色 迷い風が吹く あなたをなでてる優しさみたい 全部置いていって下さい 不安だとか 通りすがりなら眼を覚まさせてね 覗いた夜 たくさんのもしもをもつのなら 私の心はそのとき 喜びが散らばり始める あなたへと繋いでて 雲の行き先なら 知らずに ただあるもの あの人の何処がいいのと聞かれて 問い返す たくさんのもしもがありすぎて あなたの瞳は何時でも 届かないほどに輝くの 恐がらず つないで手 もしも私が先に死んで あなたを悲しませるなら どんなに傷ついても今を生きるため負けない たくさんのもしもをもてるから 私の瞳は何時でも たくさんの夢で輝くの あなたから あなたから つないで手 September 21 公告!!!!由於呢個spaces update時打字勁慢同出相好唔方便, 所以我決定整左另一個blog專門寫食評.
http://blog.pixnet.net/marshy
請大家多多支持, 最好bookmark左佢, 多d去留言一齊分享下意見~~謝謝!! September 20 搵食篇 - 尖沙咀糖朝**此乃食完功德林, 即晚既事**
食完功德林, 其實好飽, 不過阿妹仲想食糖水, 所以家人走先, 我同佢繼續係尖咀附近覓食.
唔想行得太遠, 突然諗起有間糖朝, 咁啱街上有人派傳單coupon, 所以就去左呢間試下.
一行入去, 同以前我去時好唔同, 裝修靚左好多, 燈光仲調到好有mood, 地方擴充到有2層, 真係大左好多.
好多雅座, 圓枱亦保留番以前既風格.
由於之前食左晚飯, 所以都唔敢叫d好飽既野. 我同阿妹2個人share左:
白灼魚皮
不錯, 大塊夠爽口, 份量都幾多. 不過微辣, 但尚可接受. 但係價錢幾貴, 要40蚊.
白灼豬腰潤
豬腰跟百潤各佔6-7片, 其實都幾少. 不過豬腰好大塊, 又爽有咬感, 味道好濃好鮮; 而豬潤仲係一大驚喜!! 我本身唔太中意食好泌好粉既潤, 所以係街好難食到得我歡心既豬潤. 但係呢間既豬潤真係好好食, 佢灼到剛剛熟, 但又唔會生, 完全冇沙既感覺, 好嫩好鮮味.
椰汁鮮果腸粉
擺到明扮腸粉, 以椰汁大菜做成既腸粉好清新, 配2種醬汁 - 芒果汁跟士多啤梨汁. 食落士多啤梨汁好match好搶, 十分好食!!芒果汁都好, 不過冇士多啤梨咁突出. 生果都好新鮮, 芒果肉有好多, 唔會好酸.
糖不甩
呢個係用傳單coupon, 食滿50蚊就送. 不過送既都冇偷功減料, 足有4粒糯米團子, 大小適中, 唔會好膩好滯. 甜度適中, 唔中意食甜野既人就啱哂.
埋單3樣野盛惠138大元. 其實都幾貴. 不過食物既水準都幾不錯.
下次想去試埋佢既正餐同食多次豬腰潤!!!! 搵食篇 - 尖沙咀功德林素菜館今日小妹生日, 其實前幾年每馮生日我都會要求同家人去灣仔小旗園食齋, 當係積番d德同埋紀念呢日係我媽媽最偉大既日子. 除左舊年冇食齋, 今年依舊.
不過今年搬左屋, 冇得再食小旗園, 所以就試下尖沙咀既功德林.
以為食過銅鑼灣個間一次, 印象係味道不錯, 但價錢亦好高.
今次再食, 點左:
木 瓜 魚 翅 盅
一人一盅份量. 個木瓜其實都唔細, 好厚肉, 中間有好多料, 加埋d冬菇竹笙同齋翅, 十分不錯.
齋小龍包
皮較厚, 內裡都係冬菇同菜絲, 乾淨淨的, 始終小龍包都係食有肉既比較有口感.
豆腐餃子
呢味菜其實好花功夫. 食落不錯, 豆腐略嫌不夠滑. 個汁很好, 唔太咸, 恰到好處.
雪菜荀絲炒年糕
整體ok, 唔係十分好食, 但唔會難食. 不過太油.
上海冷面
呢個其實係我想來呢度食既原因. 因為好想試. 雖然都ok, 不過比想像中差左d. 上海面比較乾身同偏硬, 其實用來做冷面真係強差人意, 不過好在佢有9小碟調味醬比你自行mix, 包括鼓油, 醋, 甜醬, 麻醬, 花生粒, 南乳, 辣醬, 2碟芽菜, 青朝等伴菜. 我試過用鼓油+醋+甜醬+麻醬+花生粒+芽菜各少許, 出來既效果係最好食的.
松子魚
真既食得多, 齋既真係好少食. 個汁做得好似, 甜甜酸酸, 好開胃. 魚係用一大舊芋頭炸過, 十分之膩, 太大舊了, 不過芋頭本身唔差的, 唔太粉唔太生, 剛剛好.
羅漢齋炒面
去齋鋪必會點既呢個面. 除左油之外, 基本上都不錯.
桂花酒壤丸子
用上大粒有芝麻既湯丸, 其實唔係咁好, 因為食完會搶哂桂花既香味.
合桃紅棗糕
原本以為會係透明紅色個種啫哩, 點知上枱係一舊雪芳蛋糕既物體!!! 質地似食硬左既馬拉糕, 味道??完全冇味. 失敗.
豆沙鍋餅
冇野講. 上枱時巳經凍左, 林哂.
雖然生日流流要返大陸仲要咁夜先返落來食飯, 仲要食左餐貴夾唔抵既生日dinner. 不過能夠同一家人開開心心出來食餐飯我巳經好滿足了.
September 17 搵食篇 - 尖沙咀太平館餐廳有朋自英國回港, 約係尖咀食飯. 諗極都諗唔到之際, 係openrice見到呢間老字號既鼓油西餐廳, 決定試一試.
由於有訂位, 所以唔洗等位. 現場所見其實如果唔book位都應該有位, 不過都幾多人, 有大約8成人左右.
打開餐牌, 價錢都真係唔平, 閒閒地一個餐都百幾二百蚊一位, 一個意粉都要差不多一百蚊.
經過商議後, 決定叫左:
二人套餐 ($268 + 1)
龍蝦湯或大蝦沙律
由於我地4個人唔夠分個湯, 所以2個都要左大蝦沙律. 如圖所見, 正確名稱應該叫''沙律醬浸大蝦''. 一大pat沙律醬真係好似唔洗錢一樣, 起碼有2,3吋厚. 不過當中既大蝦其實不錯的, 有起碼4,5隻, 都幾爽口. 如果唔係D沙律醬, 呢個沙律真的不錯.
瑞士雞翼 (6隻)
店內最出名既瑞士雞翼. 雞翼算滑, 大小適中, 不過味道來講驚喜唔大. 感覺我阿媽係屋企整既都仲入味過佢. 有少少失望.
瑞士汁炒牛河
比普通乾炒牛河甜. 不過唔講得上十分好食. 味道好濃, 牛肉不錯, 唔會好UN, 都幾多片呀.
甜品 - 花餅2件
呢2件花餅真係冇法子形容. 一食第一啖, 一種7,80年代既平價奶油味道巳強烈地停留係口腔內. 呢種味道真係十幾年都冇食過. 食左一口, 實在冇辦法再擺第二啖入口.
除左餐, 我地仲叫左D散既:
燴牛脷意粉 ($60 + 1)
呢個意粉其實十分不錯, 份量好多, 牛脷都有好多條, 汁亦都好多, 甚至可以用太多來形容. 味道亦係偏濃, 不過意粉好入味, 茄醬味唔會好酸, 甜甜地恰到好處.
巨型梳乎里 ($88 + 1)
之前睇過其他食評都話過好巨型, 估唔到上枱時大家都嘩嘩聲. 真係好大個. 不過其實內裡全部都係泡狀, 所以要清哂其實都唔係好難. 個皮少少硬, 幾好食, 內裡好有蛋香, 好似食緊紙包蛋糕 + 燉蛋咁. 偏甜, 唔食得甜既人會唔中意.
順帶一提餐廳既服務, 之前係其他食評都講過呢度既侍應服務態度差. 今晚都見識到少少. 由於老字號, 所以侍應清一色係上左年紀既中年男人. 點菜時問侍應有咩好介紹, 侍應係唔會理你的, 跟住以為你點完, 自行會收哂你D餐牌. 又好似用餐之際, 人地未食完就會好快手地問你: 你唔食架呵?跟住就照收碟, 除非要叫住佢唔好收. 語氣雖然係麻麻, 不過尚可接受.
不過其實呢度既野份量都幾大, 我地3女1男食完以上既野都十分之飽.
埋單4個人食左$460, 其實唔算好貴, 不過有得揀下次都唔會再去.
September 16 搵食篇 - 南亞餐廳pre-birthday dinner自從上次睇過一集蘇絲黃介紹過呢間南亞餐廳, 一直都想試.
誰不知朋友請我食pre-birthday dinner就揀左呢間, 真係開心.
不過冇去銅鑼灣咁耐, 原來南亞唔再係利舞台對面, 而係搬左去隔離一條街近跑馬地電車路對出個條街.
由於朋友book左位, 所以唔洗等位. 一入去感覺裝修靚左, 不過格調依然.
商量過後, 由於全部女仔, 所以唔敢叫得多:
海南雞飯
有味精湯, 雞油飯同要既脾位置. 菜乾味精湯雖然都係味精, 不過感覺冇咁重, 還好. 雞油飯第一啖食落好香, 不過食多幾啖發現d飯有d硬, 有d重硬到好似食穀咁...
至於個雞就不錯, 我本人唔好蔥油, 所以齋食雞, 食落都幾有雞味, 而且應肥則肥, 應瘦則瘦, 值得一試.
秘製炒貴刁
呢個係蘇絲黃入面推介過....不過食落真係有d失望, 不外乎係一碟普通過普通既貴刁, 唔知係咪星期6晚師傅特別忙, 整得好求其, d粉有d仲係黏埋一舊, 好似擺左好耐, 講真, 我覺得連銅鑼灣個間''金不換'' (記住唔係紅磡個間!!) 既炒貴刁都好食過佢. 失望.....
蒜蓉炒雜菜
2個字: 多油. 唔講得上好食, 只係一碟普通既炒菜. 如果你諗住健康d叫呢個菜食, 你完全錯哂.
燒雞沙律
燒雞好乾, 近乎乾到柴皮既地步, 沙律醬勁多, 好似唔洗錢咁起碼整左3分1樽落去都似. 唔得. 仲要成70蚊一個, 實在貴夾唔抵.
4式串沙爹
有蝦, 雞, 牛同豬. 由於我皮膚敏感, 所以冇食蝦. 朋友話蝦唔錯. 我試左牛同雞. 雞還可以, 不過仍有些柴皮狀態; 牛勁老, 咬整都咬唔開. 食得好辛苦. 個醬好有花生味, 沙爹味?? 完全唔覺. 不過如果唔食得甜既人會唔中意呢個醬, 因為真係好甜, 好似食緊花生糊一樣.
hot cake
呢個又係蘇絲黃推介, 標榜全港只有佢係用焗既方法去做呢個hot cake. 上枱時真係好厚好大個, 加上牛油糖醬, 食落外面真係徵脆, 內裡真係好到好鬆, 不過都幾膩, 我地5個女仔都只係食左一半就投降了.
試過一次, 基本上都唔會想再食第二次了. 不過值得一讚係serve我地既中年waitress態度真係不錯, 叫佢幫我地影相都好有耐性地影左好幾張影到我地滿意為止, 仲笑容滿面.
September 01 搵食篇 - 中國芳大住肚既家姐同姐夫來左探親, 成家一行6人去左近近地既中國芳度食晚飯.
呢間中國芳係屬於美心集團, 食既都係京川菜, 價格跟北京樓相近.
部長介紹我地食個6人套餐, 不過大肚婆好多野唔食得, 所以我地都係散叫:
雞絲粉皮
冇咩特別, 粉皮太粗, 不過附上既麻醬出奇地好食, 睇落好似好辣, 不過原來食落一d都唔係, 仲好甜, 好有花生麻油香.
涼拌海蜇
味道不太濃, 頗爽口, 分量都好多, 每條都好飽滿. 不錯的前菜.
賽螃蟹
自問好鐘意食賽螃蟹, 去親食京菜既地方一定點呢味. 食過不下數十間, 呢間算ok, 好多乾瑤柱, 不過唔係好見d蟹肉去哂邊. 蛋白唔係好滑, 不過勝在佢唔會好似有d餐廳加左成斤油去令d蛋白好似好滑. 所以健康d.
金華火腿津白
呢味完全失敗. 個汁仲係一舊舊, d津白唔'林', 一食就知d汁係臨尾先淋落d菜度, 一d都唔入味, 分量又出奇咁少, 78蚊實在唔抵.
擔擔面
一上枱時大家都好吃驚. 呢碗擺明就係陽春面(齋面), 全冇擔擔面應有既材料係入面. 問左個侍應幾次, 都確定呢碗係擔擔面. 如果呢間餐廳認為擔擔面係咁既樣, 個大厨都十分之唔店. 只希望佢真係落錯單上錯左碗面, 因為咁樣既擔擔面實在太離譜了.
排骨擔擔面
亦都係失敗之作. 擔擔面實在冇理由'水'得咁緊要, 究竟個大厨有冇食過正宗既擔擔面架?? 仲有排骨居然唔係另外用碟上, 浸哂落d湯度淋哂. 如果另外上, 一定會好食好多.
北京填鴨
京菜一定有既菜色. 呢度既北京填鴨算唔錯, 皮脆又好薄, 唔係好多脂肪, 一隻都片到廿幾塊出來. 不過比較貴, 一隻要成280蚊.
話呢度好食又唔講得上, 但又唔係十分差. 6個人食左750幾蚊, 咁既質素其實都相當唔抵, 覺得北京樓做得比佢好.
但係有趣地發現左佢地餐牌上其中2款菜式居然叫 '能人家叉子大燒餅' 同 '點解它似春卷', 真係攪笑.
|
|
|
