放天是去日本前的最後一天上班, 雖然是星期6, 不過仍然仲有好多野要執....成朝真係TOILET都唔得閒去.

放工時間, 男友來公司樓下接我

過了一個愉快的下午

到了傍晚, 在又一城2個人分頭行事, 佢去睇書, 我去睇衫, 其實咁樣又唔錯WOR, 佢又唔會悶親, 我又可以慢慢行我鐘意既SECTION.

最後係H&M買了一條裙跟一件透視格子上衣(當然內裡會襯背心了!)

晚上回到德福吃和民, 雖然話不太多但都吃得蠻高興的.

突然收到媽媽來電, 原來小廉廉來了我家吃飯呀!!!!

所以吃完飯, 男友就去了再看書, 我就趕快回家看廉了.

一回家, 嘩!! 小廉廉大個左好多呀!! 仲有8個月巳經識周圍爬高爬低了!你睇佢爬得幾高!!

 

(對不起廉廉還是不能上鏡..../__\)

廉廉變大個了, 又大聲又好動, 大家都叫佢做小惡霸.....=_=

另外剛從北海道遊玩回來的大家姐也買了很多手信給我們啊~~

其中最矚目的要算是新鮮空運回來的珍寶大帶子一大盒.

我地馬上解凍了幾隻來吃

點WASABI跟日本鼓油吃真的很棒啊!!!^0^

唔知係咪昨晚吃得太多, 今天早上起來胃很痛

而且又斷斷續續地肚痾了數次....

到了中午真的頂不下去, 唯有請了半天假回家去了.

不過回到家其實都不是可以休息

其實回家只是可以更暢快地肚痾, 工作仍是沒有停

 

後天就要去日本了

但不知怎的每次出門前1-2天都會不斷的擔心到底有沒有帶漏東西呢?

尤其是展覽會的, 如果真的帶漏就大X獲了

反而自己的東西就不太緊張

希望今次真的沒有帶漏東西了

今晚食量同昨日都係差不多, 不過今天晚上很累所以沒有做運動.

在家無無聊聊之際, 心血來潮想整下指甲

本來想整男友喜歡的黑色

點知支黑色指甲油開始有點凝結

唯有搵下第二隻色, 左揀右揀之下揀了一隻深紫色, 就到秋天啦嘛~~~

11點開始攪, 一路睇住SEX & THE CITY一路整, 最後整到點半鐘完成了

這次設計不是太有心思, 不過逐粒放石上去真的很累人啊~~

自己覺得這次不是很滿意, 有點怪怪的.....

不過雖然停了大半年都沒有整,

但自己果然仍很喜歡自己動手做指甲~真的很有趣~~~^_^

 

還有我發現我以前真的買了很多指甲油....什麼顏色都有

簡直可以自己開一家繪甲店......哈哈~~不過這麼爛的手藝我想也沒有幾個人會幫襯了~~

昨天因為太滯的原故, 所以食少左好多東西, 仲做左半小時樓梯機, 累到暈.

不過今早起身上班好像更有精神.

所以今天都堅持要食少D, 做D運動:

 

早餐: 無食

午餐: 青蘋果 + 富士蘋果

晚餐: 碌菜一碗 + 肉一小塊(一隻麻雀大小) + 玉子豆腐6-7舊 + 混合青朝半隻

 

運動: 樓梯機半小時

 

明天都要堅持繼續!!!!  

尋日食左勁多野, 今朝起身個肚都係漲住漲住, 簡直好像有了身紀一樣.

早餐都食唔落了, 午餐只是吃了一條香蕉

然後整個下午都忙到沒得休息

晚上身體巳很累了,

晚餐只吃了一些菜和粉絲

但係都完全沒有肚餓的感覺

見到食物都沒有太大的興趣....

有可能是感覺巳經吃夠了,

可能呢d就係物極必反既後果了.....

 

今天跟男友去了中環閒逛, 雖然IFC開左好耐, 但我地2人竟然是大鄉里, 從未去過, 所以今天鐵定要去見識下.

下午1點多才出發, 去到中環, 烈日當空,

本來男友想去PIZZA HUT食,

但唔知點解我突然好想飲茶,

所以就任性地去要求去飲茶. 其實我都唔係好熟中環既酒樓, 所以係地鐵出左來行左一陣見有酒樓就走左入去了.

雖然2個人, 但又叫燒賣, 蝦餃, 牛肉, 雞扎....叫左起碼7,8籠點心

食到滯到嘔.....到左2點, 原來仲有12蚊既灌湯餃, 男友馬上話要食一個, 不過我就投降了.....

最後仲叫左個芒果布甸2份食

最到真係飽到暈咁滯埋單都係238蚊, 都唔係好貴.

跟住我地係附近周圍行, 行左去蘭芳園本來想去買杯好出名既絲襪奶茶, 但行到去見到條人龍男友即刻扯我走.

不過原來對面就係好出名但係好快就結業既ABC餅店,  

馬上衝入去搵下有冇烏結糖, 但係話咁快就比人掃哂......

唯有買包曲奇餅試下了. 盛惠15蚊.

 

跟住2個人又慢慢地行去IFC,

嘩~~好多名牌.....地方又大, 不過好多人

行呀行呀, 雖然得3層, 但我地不斷行不斷行全部都行左2次

行到好累就入左去PACIFIC COFFEE到休息下,

好好彩搵到張SOFA

買左2杯CHILINO (我飲BERRY, 男友飲PASSIONFRUIT)

我地2個就係嘆左係張SOFA度, 一路聽住MP3, 一路傾計, 消磨了一個多小時

大家傾傾下原來大家都有睇倚天屠龍記, 越傾越興起

所以大家飲完野就即興去又一城間CD RECORD度搵VCD想重溫好戲

 

點知去到又一城搵唔到.....

失望之餘係個度逛左一陣

7點幾就開始討論去邊度食飯, 不過其實午餐個餐茶仲好滯

最後就去左意粉屋

叫左一個意粉, 沙律同2個湯, 當然仲有男友最愛既雞翼

 

食完飽到真係暈低....

2個人最後番到德福閒逛多一陣, 完美的約會又結束了.

 

可能男友最近因為工作關係, 真係少見左好多, 一星期都係見1,2日

所以覺得出街特別高興^_^

今天8點幾起身, 果然8號風球唔洗番工

一早起身, 乜都唔想做住

上網周圍看看, 無意中番看到大食女曾根的一些短片

看著看著實在酸得很, 點解世上可以有她這種食極都唔會肥既女子架!!!!

她的胃是常人的15倍, 吃完10人分量的東西都仲可以話唔飽

但身型依然瘦到一支柴一樣

點解上天唔可以送呢個恩賜給我呢....../__\

 

曾根挑戰7男人20人份量食物(1) http://jp.youtube.com/watch?v=8-wOMA8OTko
曾根挑戰7男人20人份量食物(2) http://jp.youtube.com/watch?v=oB3T97Do0gc

曾根挑戰40000卡路里之旅: http://jp.youtube.com/watch?v=4v-updWSG48&feature=related

不知不覺原來有個好勁的風正在打向香港

按風向來看明天是鐵定的不用上班了

就是因為明天不用上班, 所以今天就忙得要命

因為這個風, 我原定巳經定好的船要走的貨又要改走飛機

改來改去, 跟手來緊幾批貨全部都要遲, 真係吹漲到'啤'一聲,

需知道遲一單貨我地QC, SHIPPING D期全部都要改, 又要同客傾又要同廠配合

除了攪呢堆, 發現原來下星期巳經要去日本做展覽既野

仲有好多都未攪店, 辛苦PACK哂幾箱SAMPLE走哂, 執哂成個SHOWROOM亂過鬼既貨之後,

依家來緊仲有報價單未整完, 仲有攤位布置, 仲有新要加既單張, 仲有要新整既易拉架, 仲有因為DESIGNER走左, 連DESIGN POSTER都要我自己一手包辦

仲有又要去電腦中心搵USB HUBS插SAMPLE, 呀~~我仲未去書局買紙做攤位背景呀!!!!!!

跟住D客又開始係咁SEND新野來要我SOURCING

呀呀呀呀~~~~~~~~真係多一對手都唔夠用

雖然有ASSISTANT, 不過佢攪SHIPPING同QC既野都巳經夠煩

你話如果有多個''我''幾咁好呢~~~哈哈

呢幾日工作上真係煩到嘔,

單唔係好多, 但幾乎每單都有麻煩,

唔係要遲走就係批貨有問題

真係攪到頭都就來爆埋!!

 

而且最近男友做左化驗

雖然聽落好似好PRO既工

但每天8點就要去青衣上班(真係遠到癲), 仲要搬搬枱枱

晚上放工都很累, 所以最近都很少見了....

雖然見得咁少我是有點不高興,

不過想起他其實工作都很辛苦

我就不敢抱怨了..../__\

希望他快點適應吧~~

昨天正值上班時候, 男友忽然sms來告訴我劉翔退出了比賽

退出? 我根本不相信, 馬上上網看看新聞

一看到 '劉翔傷患臨時退出', 心便馬上沉了下去......

整天都在想, 為什麼4年一次的奧運, 努力備戰了這麼久, 到現在才放棄?

一直都替他不甘心

直到回家晚上看了ATV的劉翔專輯

看到了當時他臨近出賽的表情和痛苦

我完全地覺得他的決定實在是明智

 

雖然他這個決定也引起了不少人的咒罵

有些人甚至說花了幾千元買票進場看不到他的比賽而媽聲四起

我覺得這些人實在欠缺品德

為什麼不換個角度想想看?

劉翔昨天在場上一直堅持,

雖然他背著13億人民對他有極大期望的壓力,

看他的那種堅忍精神實在比看他的比賽來得更有意義, 更值錢.

健康實在是重要過一切

正如他早前自己也說過, 他根本不在意獎牌得失的重要性

最重要是過程中找到的樂趣

 

劉翔不要放棄!! 靜心好好養傷吧~~我會永遠支持你的!!!!

 

昨天因為跟姐夫的長談, 釋放了很多關於生死的煩惱, 所以今天心情特別開朗.

本來早上要跟親戚飲茶, 不過貪睡的緣故所以最終還是沒有去.

整個早上都在上網MSN, 下午就去了約會.

出門前先吃個即食面醫肚, 今天2個人到銅鑼灣閒逛

先是去了陪男友買牛仔褲, 跟著再逛了時代廣場. 雖然周圍都是在減價, 不過我都忍手冇買.

時代廣場呢期又做緊什麼藝術家展覽, 雖然我倆不太懂欣賞, 不過其中的紅色恐龍蠻得意的.

臨走時到了對面吃了個八爪魚丸, 正值推廣時間, 居然送了支寶礦力給我們, $20有野食有野飲2個人分真係抵.

 

離開了時代廣場, 逛了銅鑼灣地帶跟SOGO, 行到4點幾, 腳都很累了, 就諗住去STARBUCK度坐下

點知多人到嘔, 唯有行多2步去了麻布茶房度嘆個茶了.

男友叫了冰淇淋綠茶, 我叫了宇治金時雪糕

味道真係好~~

吃完見還有點時間, 就去了附近的商務書店打了一陣書釘.

其實我中意係書店都係睇外國既娛樂雜誌, 因為可以睇到好多八卦新聞, 但50幾蚊買一本薄薄的又不化算, 所以最好就係企係度睇了.

睇到差不多6點, 我地就去了看[地心探險記]

雖然是看普通版, 不過還是很緊張刺激啊~~^O^

電影的時間很短, 7點半就完場了.

正值吃晚飯時間, 係銅鑼灣想找個舒服地方吃飯也難.

但想起下午經過了日式燒肉[盛八], 心血來潮很想跟男友一起燒烤

所以就一起去了.

雖然店是在一座頗舊的商業大廈內, 但進了店後所有的擺設及座位令我回憶起我在日本吃燒肉的日子~~

看了餐牌價錢有點貴, 見到用匯豐CARD有套餐6折, 又OK多野食, 就點來試下.

和牛, 牛肉, 雞肉, 牛舌, 腩肉各幾片, 又有蝦, 帶子同什菌, 再來仲有幾款前菜, 泡飯同雪糕,

我食完其實都8成飽, 不過男友就話唔係好飽,

埋單530, 男友不斷話唔抵, 其實我都覺得幾貴

因為講真我係日本食燒肉, 真係一半價錢就食到

不過我係想男友都可以嘗到我嘗過既野, 想同佢一起分享呢個樂趣

吃完飯, 2個慢慢行去搭巴士回到我家, 一天的約會就完滿的結束了~

今天真的很高興, 我過得很開心~

 

今天仍是不用上班, 但早上8:45便起來了, 睡不了, 所以就UPDATE了音樂網頁.

下午沒事做, 所以去了探了小廉廉(Chole)

小廉廉大概巳經認得我了, 一整個下午都在和我玩耍, 反而最後是我玩到累坐在梳化上睡著了

現在廉廉巳經可以坐在學行車周圍走了, 她的腳力真的很強壯,

我感覺她過多2個月應該可以行路了.

(由於廉廉母親投訴, 所以廉廉樣貌不便公開)

 

除了跟廉廉玩, 我還跟姐夫來了一個長談

因為他知道我最近都在煩惱一些死亡問題

他沒有叫我不想, 反而叫我盡說出所有的煩惱

然後他一一的為我解答了

雖然他說的當中有些亦未有什麼根據

但我聽完確實是十分解脫

雖然現在還是有些少恐懼死亡

不過如果他的理論是真的, 那我根本不用怕

就算怕的, 也只是會留戀捨不得這一世所遇到的每個朋友及愛人

真的很謝謝很謝謝我的姐夫

亦很高興終於我一直的煩惱能夠解開了大部份迷團了

 

晚上跟姐姐姐夫等人去風月堂吃了個很豐富的晚餐, 很好吃^_^

 

臨走時我送了蔡瀾的<飲酒吸煙不運動的蔡瀾>給他

他也借了本<匠味日本2>給我

最近自己真的有文化~~哈哈~~

最近都在追看電視劇[ SEX and the CITY], 不過由於意識十分大膽

怕2老承受不了, 所以都只是選擇在深夜臨睡前在房內看

雖然整個劇都有很多大膽話題跟性愛場面

但又確實真的寫實坦白地道出了時下各種男生女生對愛情及性愛的態度

當中有幽默又感性

而我自己一邊看一邊覺得自己有點像MIRANDA (當然我沒有她那麼富有了.....)

外表常常都呈強, 但內心其實也很脆弱, 也很需要人關心

她的男友STEVE實在是一個大細路, 真在勾起我很多的共嗚......

而劇中CARRIE的前男友AIDAN實在是DREAM MAN!!

我想現實中在世上也沒有一個男子會能像AIDAN這樣愛他的另一半吧~~

最多野睇的當然是SAMANTHA了, 不過雖然她的SEX LIFE多姿多采, 但也沒有忘記朋友, 實在令我很佩服

而CHARLOTTE雖然是最保守的一個, 但婚後的她為了另一半, 居然做出很多大膽又未試過的行為, 真的令我另眼相看.

這套劇雖然不是人人可接受, 不過我自己確實是喜歡

不是因為好色, 而是因為它能夠直接講出每個女子對感情的想法, 實在很有共嗚.

 

今天趁住日本放假拿了日半的大假, 一直放到下星期一. 不太多, 但連續休息3天也應該足夠回神了.

反正又不是去旅行, 拿太多的大假也是浪費

男友衣家一星期又要番6天

仲要一早8點鐘係青衣上班

其實真係鄧佢好辛苦

不過TRAIN完3星期就可以番4日工

又唔洗點勞動

我覺得呢份確係不錯的工了

所以希望他可以一直長做啦

本來今日打算同妹妹一起去美食博覽

但今朝一打開報紙, 看到人頭湧湧的照片, 真的嚇到不敢去了

算了, 這3天還是在家HEA下懶下比較好

 

昨天真高興,

男友終於可以如願以償能夠做到化驗的工作了

所以晚上下班後就去左食飯睇戲慶祝

晚上只是吃了吉吉家,

戲也由於大部份都看過, 所以沒有選擇下唯有看港產片'內衣少女'

不是歧視港產片,

不過一向都覺得港產片的笑料橋段很膚淺, 所以一向少看

這套亦不出所料, 自己一邊看也一邊自言自語地不斷說: 低能, 百痴

尤其片中女主角STEPHY跟JANICE MAN的做作聲線及肢體表現, 邊看邊打冷震

此2女我一向都很反感, 看完此片令我更加覺得佢地是空有一個外殼

唔知係咪大銀幕的關係, 看到了鄭中基的大頭特寫真的不太想看

不過如果以輕鬆的心情進去看的話,

片中黃祖藍是唯一一位可以令我發笑的演員

5個女主角(其實只有4位, 一位動漫MAGGIE只是大茄而已) 每人的故事都很散又沒太交代清楚

唯獨是其中一個關於空姐與輔警的故事比較有少少深度

如果大家以前套戲有野睇, 以這樣的心態進場的話, 我想完場時你一定會爆出4字真言

此片只可以講: 肯露的出場少, 唔肯露的佔全場

總之一句: 當一般青春片來看吧, 不要有期望

 

看完很走到附近糖水店食埋糖水就回家, 美好的一天又完結了

 

今天早上就發生了一件令人十分SAD的事

我的黑色短褲真的穿不下了.............

現實總是殘酷的, 別人說我胖了我都會逃避, 我衣服穿不下確實是事實.......

今晚開始真的要決心做點運動了

至少起碼減到可以穿回那條短褲吧...........

今天打開報紙看到頭條真的一陣心痛

昨天旺角的大火, 令到2個消防員殉職

最令人感動的是原來他們是因為救人, 將自己的氧氣面罩讓給被救的人

還要扶著災民上到天台才支撐不住倒下

2位消防員還是很年青, 一個46歲, 一個年僅25歲

說實在如果換著我, 我真的做不出這麼偉大的事

明知道讓了面罩給別人自己會死

但也仍然這樣做

我實在不相信世上原來真的還有捨己救人的這種英雄

雖然我跟他們素未謀面, 但實在十分敬佩他們,

這樣實在是做人的最高層次呀!!!!

希望他們可以安息吧~~~

 

另一個傷心的新聞是美國影星Bernie Mac在星期6早上因為肺炎逝世, 終年50歲

他是近年自己比較喜歡看的一位comedian

雖然有d人話唔係好明佢幽默在哪裡

不過我自己就好鐘意看佢既一舉一動, 覺得佢講句野都好funny

實在真係可惜世上又少了一位如此幽默感的影星.....

 

最近可能接近農歷7月了, 感覺每年到差不多這個月份都開始多人去世

雖然你或會說我太迷信, 但信不信由你,

大家也盡可能都要小心一點, 不要太晚歸家

我實在不希望聽到任何我認識的人出事的新聞

今天星期日, 沒有去什麼地方

坐在家裡看奧運, 午餐只是在家吃即食面

傍晚跟男友在德福吃PIZZA, 吃完逛逛書店陪他買本書

本來沒有打算買書的我, 忽然看到蔡瀾寫的2本新書

看了頭幾頁相當有趣, 反正又不貴, 就將2本都買下了

一本是蔡生寫他遇過的女子及各種感想, 內容幽默風趣, 但又真的說中了女人的各種特點;

另一本是蔡生寫他人生的各種有趣經歷及對人生的看法, 真的不得不佩服他那種開朗括達的性格

如果我的一生有蔡生那麼括達就好了.............

 

回家剛好看到奧運的男子舉重比賽

本來一向沒甚興趣的我, 竟然乖乖地跟爸媽一起坐在客廳裡看

不過一邊看一邊覺得很心酸

看到他們每一個為了比賽都冒著身體會受傷的風險來參加

那種堅忍的精神真的令我很佩服

但又實在替他們著緊, 因為真的很容易受傷呀!!!

為什麼奧運會有一項這麼危險的比賽呢?

今天過得真高興!!!

星期六, 忙了半天後, 終於可以放鬆拍下拖了

2個人去吃了好吃的壽司, 其實壽司我真的吃了很多次,

不過要看跟誰吃, 今天是吃得很高興又很開懷~

再去逛了一會海港城, 又去了機鋪打了陣機,

然後到了旺角看戲

看戲前見到BREAD AND BUTTER在大減價

本來要節儉的我也失了控地狂看狂試

他很有耐性地坐在一邊等我, 其實我看在眼裡是很高興的 (不過最後還是控制了自己, 只買了一件100元的背心)

雖然他說過本身很討厭拿東西, 但見我買了東西他會主動幫我拿

這些細節我看在眼裡真的很高興.

別人可能會覺得這是理所當然, 應該做的,

不過我最明白他的性格

所以他能夠有這些改變真的很高興~

可能他自己也不會留意, 不過女孩子就是喜歡注重這些細節, 不是嗎??

雖然戲是不太好看(<GET SMART>真的麻麻), 不過心情還是很愉快

今天沒有任何爭吵真的十分享受, 唯一不好的是時間過得太快了.....真的不想結束

 

前2天收到好朋友的SMS通知, 明年要去做新娘子了!!!!

我看到時當時心裡是替她很高興, 因為我看到她, 我看到了幸福

但另一方面, 我的心很酸很難受......畢竟大家同年紀(我還比她大少許呢), 但她比我更快找到了幸福, 找到了安穩的生活

說實在的我是很想嫁, 哪有一個女孩子不想? 尤其是我這些到了結婚年紀的女生

但我自己知道, 我選了這條路, 我便必須要等待

等個起碼4-5年以上吧?

但我不可怨任何人, 甚至這個也不是他的錯,

我知道, 我愛他, 我就要接受這個事實, 實在是不能改變的.....

不過自己的心裡確實是很難過....

眼看著自己的朋友們一個跟一個的結婚去

自己也不可以做些什麼來改變

唯有面對現實吧

至少我也找到了一個我愛的, 而他又愛我的人

我想巳經比很多人好好多了

今天在討論區突然看到了一幅好熟口面的相片

原來是我的舊居前面攝的!!!

這張相還可以正正的望到我舊居的窗戶

不過相片是1977年的, 我都還未在世,

爸媽好像還未結婚,

可能窗外掛著的便是我爸爸的衣服了~~

今天聽到你說的消息實在太開心了!!!

整個下午雖然忙得不可開交, 不過心裡一直都很高興

應該是說一直在替你很高興^_^

希望你下星期開始可以努力啦!!! 加油呀!!!

雖然咀裡常常頂撞你, 不過心裡真的很著緊你很關心你的, 希望你知道啦~~~

 

今晚上了日文初班的第二堂(上堂走左堂)

雖然學過2次, 不過MISS教的時候聽得我似懂又似不懂....

我的記憶力真的很差........

 

呢幾日好鐘意聽一首歌叫'SPELL'

係由剛出道女歌手MARIE DIGBY主唱

好慢好優美的一首PIANO BALLAD

我特意還放上來做我BLOG的主題歌曲, 真的很好聽呀~~

希望你都喜歡啦^_^