| Marshy's profile嘉儀addicted to MUSIC/野食PhotosBlogLists |  Tools  Help |
|
August 29 自煮篇 - 有機午餐今日起身頭重重, 四肢無力, 返左半日工頂唔順終於請左半日假.
諗住去睇醫生, 點知醫生要3點先開工. 做醫生真係好.....食lunch都可以食2個鐘.
諗住返屋企之際, 見到電梯口有間專賣健康食品既鋪頭, 突然心血來潮就走左入逛.
呢間野叫'MARCO FOODS', 入面全部都係賣有機既自然食品, 由調味料到即食零食甚至少量新鮮蔬菜都有, 真係鋪頭細細, 但五臟俱全.
逛左一陣, 最後買左少少即煮即食既當午餐:
燒汁蔬菜漢堡排(素)
只需要整袋放係滾水中等3分鐘就可以食得. 分量真係好細, 燒汁好醎, 漢堡排好結實, 一食就好有黃豆同面筋既感覺, 細食既話一個人要來送飯食剛剛好.
豆腐南瓜湯
亦都係只需要整袋放係滾水中等3分鐘就可以飲得. 飲落其實只得南瓜味, 完全冇豆腐味. 不過好creamy, 不錯.
紅豆茶
標明無糖梗係要試啦. 聞落好香紅豆味, 飲落就唔覺有紅豆味, 只有茶味. 不過茶唔嗆, 剛剛恰到好處.
雖然佢既野價錢比較貴少少, 不過間唔中買來等自己健康d都不錯. August 26 搵食篇 - 德福Can*Teen25 August 2007
呢日約左舊同事開k局聚舊. 為免去到k局係happy hour冇野食, 所以放左工近近地搵d野食填左肚先.
最近德福開左間快餐叫Can*Teen, 感覺跟大家樂同大快活差不多, 裝修比較高檔少少, 所以價錢亦貴少少.
呢間野係港九各區都開左有好幾間分店.
之前同妹妹來過一次, 叫過海南雞飯大失望後, 吸收過教訓後, 今次絕對唔係係佢度叫價錢較高既食物.
由於前一晚食左比較heavy既野, 所以今日唔想食太濃味既野.
左揀右揀便揀了個最唔油膩比較便宜既墨魚瀨粉. 盛惠27蚊.
食呢d快餐一向都唔預計會有水準, 呢次亦唔例外.
瀨粉個湯一飲除左好重味精, 亦帶點魚湯味道.
墨魚切到一粒粒, 仿佛好似比d剩頭剩尾我咁, 感覺唔係咁好. 不過份量都唔少.
整體唔可以話好, 不過如果只巳填肚既心態, 味道亦尚可.
不過記住係度千其唔點海南雞飯!!! 好難食架!!! 搵食篇 - Shooter 88 的Birthday Dinner24 August 2007
同yo姐同阿韻慶祝生日, 一行8人去左銅鑼灣既Shooter 88. 自從搬左去九龍之後, 真係好耐都冇去過銅鑼灣搵食, 這次正好可以試試呢間美式餐廳既水準.
去到巳經9點幾10點, 好彩朋友一早book左位, 唔洗等.
不過入到去, 由於friday night, 同埋有幾埋青少年係度都係慶祝生日, 所以特別嘈. 但係唔計呢d, 佢位置對正維港, 而且有落地玻璃, 如果睇煙花或者夜景都真係十分不錯.
雖然有8個人, 不過大家之前巳食左d野, 所以點得唔太多. 由於由朋友點菜, 所以以下既菜式名以係太約以我記得既寫番出來.
餐包 - 牛角包
牛角包好鬆脆, 內裡層數應該唔少, 所以口感很好. 不過上枱時巳經凍哂....扣哂分.
炸薯皮
炸到剛剛好, 薯塊既大小厚度亦可. 吃呢個我唔鐘意點茄汁, 因為人地一早巳落左鹽調味, 何必要自己再加呢??咁樣先可以食到最真既味道. 而且上枱時仲係十分熱騰騰, 所以食落感覺唔會好油膩.
脆炸蜜糖雞翼
由於自己唔太鐘意係街食雞翼, 而且二來唔夠分. 所以我冇食呢味. 不過朋友對呢味讚不絕口, 話次次來都要點.
凱撒沙律
呢度既凱撒沙律係真正冇咩配料, 只有菜同芝士片. 不過佢既凱撒dressing同煙肉碎粒配合埋十分不錯, 面包粒略微'林'左少少. 一個十分清淡既沙律.
芝士焗菌
呢味比較失望. 極其量只可以叫焗菌, 唔可以叫芝士焗菌. 一來佢既器皿(佢係用裝田螺個種一個個洞既盤)令到d芝士流哂去旁邊, 隻菌本身完全感覺唔到有芝士味, 味道好淡.
忌廉什菌天使面
本身唔太鐘意食天使面, 因為一來唔鐘意佢既軟硬度, 嫌佢太軟身, 二來食落感覺好似食緊中式既面條咁, 所以我自己通常好少點. 不過呢度既天使面其實係做得不錯, 忌廉汁夠'傑', 雖然未至於可以講同面融為一體, 但水準巳算不錯. 什菌也很有口感, 清淡與濃郁mix得很好.
白汁三文魚蝴蝶粉
呢個白汁明顯做得冇上一個咁好, 好水好淡, 仲要配上好難入味既蝴碟粉, 失敗. 三文魚較乾身. 整體失望.
最後朋友送上一個係Simply Bread買既rasberry草莓蛋糕給yo姐同阿韻, 呢個蛋糕真的不錯, 酸酸地唔太甜, 如果餅底可以再硬身d就perfect了.
雖然呢晚既食物不是十分好, 不過是夜主要目的是慶生同朋友聚舊, 所以志不在食物, 而是跟朋友一起共度快樂既時光.
August 20 搵食篇 - MARKETPLACE外賣刺身是夜冇住家飯食, 又係自己搵食時間.
見前幾日樓下開左間新既大型超市MarketPlace,日日都咁多人, 就走入去睇下有咩好食
減肥期間唔想食燒味炒野個d肥膩野, 就走左去壽司枱個度.
見人山人海, 仿佛有金執一樣. 個個都係度買壽司既時候, 因為唔想食咁多澱粉質, 所以去睇刺身.
種類唔算多, 只得幾款, 唔想食太貴, 平平地見到個4色刺身, 價錢ok, 就當晚餐吧.
4色剌身有立魚, 金鎗魚, 墨魚同三文魚, 每款有3片.
墨魚 - 厚切得十分利害, 唔食仲以為係劍魚. 但係唔好以為厚切就著數, 由於太厚, 好難趙, 口感十分之唔好. 我寧願佢薄切4-5片, 咁樣食法消化不良都似. 而且太膠質, 失去哂墨魚本身既彈性.
三文魚 - 一食就知唔太新鮮, 不過還可以入口.
金鎗魚 - 雖然巳經揀左盤色澤算最好既, 不過依然一睇就知唔新鮮, 仲差過三文魚.
立魚 - 魚肉太'林', 接近'霉'既地步
雖然係得呢d地方買刺身都預左唔方好食得去邊, 不過估唔到咁差.
如果真係要買即食外賣刺身, 建議去九龍塘既TASTE會比較好.
呢間MARKETPLACE都係買普通壽司填肚算啦.
August 19 零食篇 - pocky海苔介茉百力滋最近因為減肥, 幾乎同零食完全斷絕關係.
不過近日有點成績, 加上尋日同阿妹行零食物語時發現新推左隻百力滋, 就當係送比自己既小小獎勵吧.
呢隻新口味叫海苔介茉百力滋, 價錢唔貴, 只係$9.
食之前以為會好攻鼻, 點知完全冇wasabi味道, 只有濃烈既海苔味, 加上大量海苔粒
最好既地方係佢十分脆, 比一般牛油/沙律百力滋脆身, 而且內裡冇咁多餅乾感覺, 有點空心, 唔會好飽肚.
盒內2小包唔洗一陣就掃哂.
不過食完後又要努力做番運動了.....
搵食篇 - POKKA CAFE最近愛上上網周圍睇食評睇飲食節目, 可能算是近日減肥中既一點安慰.
呢晚好少可地同阿妹出夜街, 去睇Avril演唱會之前, 應阿妹要求去左德福新開既POKKA CAFE度食晚飯.
由於我地6點幾去到, 都仲未見到好多人, 所以好快有位.
POKKA CAFE其實以前都去過另一間, 都係食日式西餐野, 感覺一般. 依家事隔幾年再來, 感覺格調high class左.
一入去就覺得張枱好細, 而且同隔離枱距離太近, 講私人野有點不方便.
餐廳所見清一色女侍應, 部長都係女人, 感覺好似比較親切.
waitress放低了2個餐牌, 一個人set dinner餐牌, 一個係散叫餐牌.
望了望set dinner, 雖然一個set大約100蚊左右唔算貴, 不過菜式好''行貨'', 而且又heavy, 所以冇打算叫set.
望一望散餐牌, 發現比以前多左好多新穎既菜式, 不過是夜不太肚餓又想食清淡d, 所以叫左以下幾樣:
迷你凱撒沙律
內裡配料選了比較清淡既三文魚同蝦. 份量的而且確係十分迷你, 不過蝦同三文魚粒都算多, 蝦一食就知係雪蝦, 三文魚都還算新鮮. 汁方面還是一般, 不會差不過冇乜特別.
介茉三文魚及八爪魚粒併盤
這個想當年早在銅鑼灣分店時巳經有食過, 當時感覺好好食. 事隔幾年再食, 一睇, 整得好求其, 不過唔算差, 只是沒有了以前那份美味. 八爪魚整得比三文魚入味, 這裡的三文魚跟凱撒沙律入面既三文魚粒冇甚分別.
三文魚併八爪魚冷稻庭烏冬
其實係日本食過好食既冷烏冬後, 係香港一直都搵唔番一樣水準既冷烏冬. 這次大膽又點左呢款, 希望會有驚喜. 三文魚同八爪魚不錯, 用來調味既鼓油早巳落了介茉, 所以唔需要另塗wasabi巳好刺鼻. 冷烏冬彈性很夠, 不過偏粗, 而且唔夠冷, 大大減了不少分.
白汁雞絲意粉
點了一個最簡單的意粉就是要看chief既功力了. 我們特意要求白汁要''傑''一點. 分量剛剛好夠一人, 雞柳不錯, 有少許酒香味, 又不會太老. 而主角意粉呢? 意粉粗幼度很好, 我比較喜歡幼身(即1,2號意粉)的, 因為最能吸收醬汁既美味. 不過雖然我要求白汁要''傑''一點, 但上枱時還是頗''水''的. 白汁跟意粉還是各自各分開, 有點失望. 不過呢個白汁做得很不錯, 很有忌廉及少許酒香. 意粉如果可以再煮硬身一點就更perfect.
伯爵茶香朱古力毛士蛋糕併木槺布甸
見到自家制既木槺布甸就點來試試. 分量頗大, 足夠2個人食. 木槺布甸值得一讚, 味道唔太甜, 入口即溶, 餅底鬆軟. 而朱古力毛士蛋糕也很不錯, 朱古力味濃郁, 餅底是偏硬的那種, 但跟毛士很配. 不過內裡既啫喱有點畫蛇添足了. 如果沒有了會更完美.
值得一讚既係入面既waitress跟部長都很細心, 每食完一個dish都會問你覺得點, 好唔好咁, 十分親切. 而收碟速度都很快, 所以雖然張枱好細, 但都唔會冇位擺野食. 總括來講呢間cafe都算唔錯, 唔會成日去, 不過間唔中一次半次去總會有些驚喜.
ps. 今次既驚喜係甜品.
|
|
|
