前幾日去睇左我最愛既pixar出品既電影'WALL.E'

睇完真係嘆為觀止, 點解依家既科技可以整套成套電影既效果咁真實

而且仲有不少笑位同感動位

睇完我自己又開始無聊不斷想像, 到底700年後, 我既後代會變成點呢?

到底700年後呢個地球又會變成點呢?

係唔係同呢套戲入面既世界差不多呢?

 

雖然我一向唔係太鐘意機械人既戲(真係硬係覺得機械人無血性)

但係呢套絕對係例外

而且原來真係有人做左個WALL.E出來架!!

 

最近呢幾日早餐唔再食三文治, 轉左食7-11既$9.5有10粒既魚肉燒賣

雖然番到公司熱辣辣仲再食呢D熱野好似火上加油

不過唔知點解早上食完熱野個人仲會精神D

 

尋晚唔知點解又發惡夢, 仲要係夢到D好大隻好得人驚既紅色螞蟻係我家客廳走來走去!!

即時嚇到醒左仲要全身標冷汗

 

今晚又再去上我人生第3次的日本初班了

希望今次我真係可以記住個50音, 唔使再半途而廢了

 

我應該如何選擇

到了這個階段

對方一點想挽救呢段感情的動力都沒有

更反而迫我說出'分手'2個字

自己一點反省的意識都沒有, 到頭來還把所有既錯誤放在我身上

我霸道?

我什麼時候做過什麼令你覺得我霸道?

對你來說我真的是一個可有可無的角色

對你來說我真的是一個沒有了我的存在你也可以活得很好的人

一次又一次, 你對我的傷害一次比一次深

到了這個階段, 你連一個電話都懶得打來,

淡淡的SMS內幾個字就想了結這段關係

 

我真的自問我這個做女朋友的為你付出的比很多人多,

我想也沒有幾多個女生會好像我這樣蠢會為一個這樣的男生付出那麼多

不過既然你不懂珍惜不想去爭取

我只好將這份精神從你身上抽出再去找另一個懂珍惜的放在他的身上

 

 

今天心情差得很

又熱又煩燥

都冇乜胃口食野

 

到底我性格, 待人處事有冇問題?

從中學開始, 雖然未至於相識滿天下, 但到現在仍然不時聯絡, 而且會關心對方的也不算少;

出來做事後, 雖然未至於成為商界有名氣的那種, 但也相識不少友善的行家, 而且大家也待我不算差

我想, 我跟人溝通應該沒有問題吧!?

年齡我想也不會是一個原因

認識的行家中, 由20歲出頭的小伙子到50多歲的長輩級, 大家相處也沒有問題

 

為什麼只有我跟你溝通有問題?

 

告訴你, 每次吵架時你的用詞都很差勁

就算不是情侶吵架, 也不會用那些難聽的字句

每次吵架都不會想想我的感受

只顧著自己要吵勝這場架

成熟點吧, 你不再是中學生了

 

在這個熱到就來早暈既夏天

晚上在家吃完飯休息了一陣

就實行了我的出汗大計

在家玩樓梯機40分鐘

出的汗比洗完沖流的水還是多

雖然辛苦不過感覺反而精神了

 

再來是媽媽買來消暑的西瓜

還細心地切成粒狀, 去掉所有的西瓜籽方便我們吃

每次吃完她都會補充

真的實在太細心了^___^

 

吃過西瓜做過運動, 整個人的心情也會開朗起來. 

我最討厭夏天

夏天令人做什麼都提不起勁

夏天令人脾氣容易暴燥

夏天迫使人要開冷氣令廢氣不斷增加污染環境

 

不過

 

今天開始我要反夏天

今晚提醒自己要做運動出番一身汗

 

秋天可以快點到嗎?

 

最近我發覺自己真係好多口水, 對每件事都有好多既睇法同感覺

 

呢排日本既治安真係差到嘔

繼早前有個毒男係秋葉原亂刀殺人後

前日又有個男子係書店插死同刺傷左幾個三唔識七既女子

捉到佢後問原因, 原來只係: 因為有壓力, 所以要殺人發洩

仲有幾單係有人係電車入面用刀不停刺傷乘客既腳

 

聽到呢d新聞, 一方面好驚自己9月去日本時既安危

另一方面又好嘆息點解現今既文明社會

反而會越來越多呢d咁不文明既事情發生

更令人驚訝的是這些人殺的都不是他們的仇家或敵人

而是一些完全沒有防備, 素未謀面的途人

這是多麼不公平的一件事!!

為什麼你不認識我, 你會有權去結束我的生命? 主宰我何時死亡?

就算你認識我, 任何人都沒有權力去主宰對方的生命終結的時間

只有上天或自己才可以

 

生命是很寶貴的, 每個人都只有一次生存的機會

也永遠不會知道明天會發生什麼事

請好好珍惜現在的時間, 多做一些可以令自己充實一點, 永難忘記, 不會遺憾的事情.

 

 

昨天回了大陸一天,

晚上臨訓前開了套舊版batman睇,

本來叫我妹陪我睇

點知睇睇下成大半套戲我都因為累得滯訓著左, 變相得我妹由頭睇到尾...

諗番真係唔好意思..../_\

 

今朝回到公司, 多野做到暈

一直做到無停手, 直到lunch先有點空閒時間

膊頭手手腳腳成個人都酸酸軟軟

好想番大陸按下摩....

今天有個以色列客要睇工廠, 老闆同我一同上去招呼佢

想一想原來自己都有一段時間無上大陸了

不過同個女行家傾開, 發現上大陸其實有一個好處

就係夏天上大陸工廠, 烈日當空仲要周圍行, 走來走去

仲要車間無冷氣, 真係行到隨時一身汗

好過坐係OFFICE (不過其實我係OFFICE度一樣要落手落腳執SAMPLE..../_\)

回香港途中, 老闆都發現到我爆漲, 問我呢排係咪無去游水......

落到香港回到家成9點, 買左個飯吃但又一路吃一路比媽媽話: 唔好食咁多呀, 睇下你幾肥, 幾核突......(下刪數十句)

唉......點解食個飯都要比人管

我又唔係食10個飯......又唔係特別大食

講真我只係食正常3餐, 平時食大家樂一個焗飯都只係食3分1飯

平日巳經咁多壓力, 點解我只想輕輕鬆鬆食野都唔可以....

我想, 依賴是人天生的本性

我曾經也是一名十分依賴別人的女生

什麼事都依賴家人, 朋友

但不知從何時開始自己的角色漸漸變成一個被依賴的人

家人, 伴侶, 工作內我都成為了別人依賴的對象

有時候覺得自己的責任感真的太多太多, 壓迫得我透不過氣來

很多時候, 我都要被迫著或是不知不覺間去遷就其他人以希望令對方得到快樂

但相反地, 我沒有想過自己這樣做, 到底我快不快樂?

 

有時候真想回到10年前, 這樣就可以繼續依賴著別人, 不用負太多的責任

不過這種任性的想法也許很難再實現了....

 

從前只有我不斷的問別人, 觀察別人想我怎樣做, 做怎樣的角色對方才會快樂

但我發現, 好像從來沒有人問過我自己到底想要什麼

算了, 都活到這個年紀, 既然沒有人問, 我只有厚住面皮自問自答

一次過任性的說出來, 總好過鬱在心裡

 

 

雖然我知道我現在的際遇跟想像的根本差天共地

可能這樣的要求是過份了點吧~~哈哈

不過說了出來還是比較舒服一點

 

 

最近好耐都冇真心大笑過一餐

呢日無意間上YOUTUBE,

搵番好多好多好耐以前好好笑既片段

一邊懷念又一邊大笑一餐

尤其係林敏聰, 個時佢同曾志偉合作好多節目

個個都好好笑, 同埋佢作既攪笑歌有意思得來又抵死

真係好笑過衣家個D年青一輩所謂既諧星

 

 夢食丸合唱團 - 朋友兩個http://www.youtube.com/watch?v=vlinJZR56B4&NR=1

酒杯敲你頭 http://www.youtube.com/watch?v=RePxY3XigYE&feature=related

叉燒包 http://www.youtube.com/watch?v=u-X7yuUyCbA&feature=related

叉瀨 http://www.youtube.com/watch?v=v-dx2msZUBo&feature=related

擺o下擺o下 http://www.youtube.com/watch?v=iXcEvMckcCg&feature=related

林敏聰 痾殊殊 http://www.youtube.com/watch?v=LdOHpNQLo7c&feature=related

開心字典 -之「馬」字 http://www.youtube.com/watch?v=TyzAtCSfstY&feature=related

 

有時做人唔好成日鬱住計較咁多野, 笑多d, 人都會長命d~~^_^

今天是我第一次過的一周年

但是今天

沒有高貴的餐廳, 沒有名貴的禮物

也沒有精心計劃的行程

2個人只是待在一個漫畫CAFE內看看漫畫, 上上網

食物也只有杯面和微波爐點心

說真的, 起初問他時知道他什麼都沒有準備時真的有點嬲

畢竟人家是有生以來的第一次過一周年, 好歹也有個小禮物留念吧

不過想想看, 其實什麼日子也好, 最重要的是跟誰過

如果他可以健健康康, 完完整整的跟你過每一天, 其實巳經是上天最大的恩賜

所以, 今天雖然什麼特別的節目都沒有, 但還是過得很高興, 也很滿足

途中甚至2個人又發生口角, 但不知怎的大家都開始懂得睇開一點, 嘈完又無野

可能吵架也是拍拖時2個人相處的其中一種情趣吧

 

最近悶熱的天氣不斷, 出到街好似成個爐背係身度

出街的地方都只限商場, 戲院等室內有冷氣的地方

真係好想快d到秋天, 冬天

唔想再係呢d咁熱既地方了

所以我永遠不再去泰國也是有原因的

 

咁熱既天氣, 容易令人煩燥

所以自己聽音樂會揀一些輕快一點的來抒媛一下

最近特別喜愛而且常聽的有2隻:

 

Leona Lewis - The Spirit

Sandi Thom - The Pink and the Lily

 

Leona Lewis 呢隻碟雖然舊年出品, 不過成隻碟好有震撼性, 真係睇唔出debut album可以做得咁好. 碟中最鐘意聽既係'Better in Time', 用來治療情傷真的一流. 詳細碟評請參觀我的音樂網站. http://members.lycos.co.uk/marshymusic/

 

Sandi Thom 雖然都算係indie歌手, 不過佢出過既2隻碟我都十分喜歡. 好多歌曲都節奏輕快又流暢而且容易上口. 呢張今年6月才推出既第二張大碟, 其中最喜歡聽既係'Music in my soul' 同'Saturday Night'. 不過我未update呢隻碟評上我website....因為我懶....

 

最近亦都搵番一大堆以前買落既EMINEM大碟細碟. 真的相當懷念. 想當年回到98,99年時代, 真的很迷EMINEM, 當時佢剛剛出道, 還不是有很多人認識.

最初聽佢既作品係98年同Dr. Dre合作既'Guilty Conscience'一曲,由Dr. Dre帶佢出道的.  一聽之下驚訝會有白人rap得咁好, 開始留意佢. 99年開始出左佢第一張個人大碟'The Slim Shady LP', 不過都尚未有人認識, 還記得個時係HMV因為冇人識佢, 搵佢呢隻碟都幾辛苦, 同d職員講佢個名以為我講朱古力個隻'm&m'...=.="

 

到佢最紅既時期要數00年之後, 出左第2張大碟開始多人識佢, 而當時佢既歌亦係最富娛樂性. 亦因為常常聽佢既歌, 令我聽英文既能力大大提升, 而且仲學左好多美式既俚語(雖然當中不少是粗口~~哈哈). 當年我亦瘋狂到不斷係網上越洋訂購佢既poster, 甚至以佢名義出既衫褲, 雖然係板仔衫, 不過到依家我都仲未捨得丟, 因為佢呢個品牌依家巳經收左檔了.

一直到2002年EMINEM連電影都玩埋, 拍左一套自傳式既電影. 自此之後就更多後生仔女認識佢, 個個都爭做佢fans. 不過由呢個時期開始我就慢慢不太欣賞佢, 因為一來佢做既歌越來越商業化, 二來一個二個都話中意佢, 完全唔知佢底細又話係佢fans, 攪到我呢d真正聽佢音樂既樂迷好無癮.

之後幾年, 都有keep住買佢既大碟來聽, 不過就再冇以前咁passion. 轉而開始聽多左佢組既另一隊hip hop band叫'D12'. 本來D12第一隻大碟都還有少少eminem早期的味道, 但到了第二隻大碟又再商業化.

 

直到2005年EMINEM出左隻精選大碟後就全退幕後了, 而家想見到佢幕前一面都難.

雖然事隔成10年, 但最近聽番佢既歌, 都仍然津津樂道.

 

 

前幾日家姐同佢囡囡坐飛機去左台灣幾天渡假

今天下午來我家探望爸媽順便帶了點手信給我們

去台灣一定唔少得既鳳梨酥, 不如大家估下我妹會係幾多日內掃哂?

好出名既梅, 我未試不過應該感覺幾酸下

家姐特別幫我買回來的最近10期'炒厨老爹'啊~~~多謝姐姐~~^0^

 

看到他們回來十分快樂的樣子

令我自己都好想放個假去旅行輕鬆一下~~

以前都沒多留意, 今晚突然注意到

原來平時3個人食飯(我, 爸, 媽. 妹去打工了), 我媽都會煮4送一湯

而且有肉有菜, 很是豐富

感覺到原來媽媽待我們真的不差

最重要的是, 吃著吃著, 雖然只是家常小菜, 但比我在街外吃的好吃多了!!

 

4送一湯~很豐富

媽媽知我中意食炒青瓜, 特別想出來的- 齋螺炒青瓜

京都骨- 賣相不算好, 不過好吃得很, 濃濃的汁不會太咸, 肉也很柔軟啊~~

我另一最愛- 紹菜粉絲~清清淡淡又飽肚

家常菜還有前菜啊!!^O^問你怕未~沒甚特別不過媽媽知我最愛吃皮蛋, 特別弄的

湯這晚只是簡單的粟米蛋花湯~也很好飲啊~^_^

 

最後一定有一個問題, 到底3個人食唔食得哂咁多野呢?

答案係可以的, 最後只剩下2-3舊京都骨比我妹帶飯

如果可以永遠都嘗到咁豐富既晚餐就太好了~~

剛剛看討論區見到一輯很舊的香港照片,

全都是50-60年代的街景

看著看著, 一方面驚嘆香港社會發展得真的很快很驚人

但另一方面又想著原來歲月都不留人, 也不會停止,

一分一秒的流逝是每個人都不能控制的

50年好像過得很快, 不知道50年後的香港會是怎樣呢?

也不知道50年後的香港我還有沒有機會看到呢?

 

50年前的灣仔真的面目全非

相信嗎?這居然是紅隨灣仔出口

這是銅鑼灣???中國國貨現在還在啊~

看得出來這是旺角嗎?

 

不好意思從討論區借了圖過來~不過是想跟大家分享一下~

昨天臨時下午要出去灣仔見客, 發現原來都有一段時間沒有出去現過客

今次見呢個客都幾nice又健談, 雖然落單數量不是很多

不過都幾希望可以合作下.

 

見完客搭車回公司的路上, 經過了我的舊居

街上很多店舖都面目全非了, 感覺有些新鮮

但行到舊居門口時, 看到還是跟我以前住時一模一樣

突然有一股衝動想走進去

不過當然我沒有這樣做

但真的很懷念~~畢竟也是在這裡渡過了廿多年頭

 

晚上跟男友去看了'赤壁'

整體來說浩蕩的場面確實是值得一看

不過有幾場打殺戲看得我心都酸

看著那些士兵一個/一堆的通通被殺掉

不知怎的我覺得很痛心

(當然我知道做戲可能通常都會誇大一點, 不過我想當時打仗死傷的人也不少吧)

殺只有一秒, 但養育一個人要花起碼十多廿年

就算是一個最低級的士兵, 他自己也有家人, 也有家庭, 也有自己的故事和經歷

只因為要打仗, 人命便馬上被看得那麼輕, 隨手就把他們殺掉

實在相當殘忍

看著看著有點慶幸自己是生於現在的文明社會

也有點慶幸我的祖先能在以前常常打仗的時代安全活下來, 且一代接一代到了我們的今天

 

昨晚約了男友一起去游泳

去到泳池門口驚見勁多人入去

哦~~原來依家夏天泳池免費開放

心裡當堂沈一沈, 因為預感入面實好多人

不過一場來到, 都要入去游一陣啦

 

入到去, 嘩~~~多人到不能形容

泳池內人頭湧湧, 基本上每一個地方都巳經堆滿了人

不過來到無理由只係浸水架

就硬住頭皮游2個圈先走啦

 

點知游到途中, 後腦突然被人勁大力的pat了一下!

痛得我馬上飲了幾啖池水

本來差點沈了下去, 但人又多, 只好忍住一口氣游到最近的池邊

 

男友本來是跟著我游的, 也因為太多人都失散了一陣子

找了良久終於在池邊尋回暈拖拖的我

2個人馬上就走了

 

經過這次, 我以後都不會去免費的公眾泳池

雖然政府這樣實施是不錯, 令很多低層家庭都受惠

但亦有很多無聊之士進去後又不游, 只站在池邊甚至池中間閒聊

大佬, 傾計去坐公園傾啦!!!

這樣的話我寧願泳池收費了, 起碼人沒有那麼多, 而且比左錢入場的人好多都真正會游泳的

 

經過了一晚雖然後腦不再痛, 但內裡現在還是暈暈地, 頭重重的...

這是我有生以來第一次比人pat後腦

希望不會太嚴重吧.....

昨天2個人本來開開心心的去了新番修的康怡吉之島閒逛一下

怎知道人多得好像遊行一樣, 行都行不了,

所以草草地逛了一圈後就計劃坐電車慢慢坐去中環

 

行到車站, 人不是太多, 其中見到一名西裝男向我們看了一眼

我都不太為意

車到了, 我就叫男友上頂層看看有沒有位

上樓梯時西裝友跟在他後面

我不夠快但都跟在西裝友後面

 

男友上了頂層剛到見到2個位, 便坐著一個, 袋放旁邊等我上來

怎知西裝友衡了過來要坐

我站在西裝友旁, 想坐, 但又被他欄著

跟著就站在坐位前破口大罵, 粗口橫飛

明明知道我們一起上來的,

還硬說我男友自己一個人霸2個位

跟著不理我男友的袋子更一個pat坐了下來

當中粗口不斷, 說著極難聽的字眼

男友看不過眼開始跟他嘈

我見到此情況馬上拉他走到下層

極度掃興

 

其實有感現今的香港人, 可能受工作壓力或其他因素影響

很多人都十分容易爆燥, EQ更是何其的低

為什麼現在這個教育水平都大大提升的社會上

反而越來越多人會隨街大大聲說粗言?

而且還覺得是一種值得自豪的事?

讀了那麼多書,

連在人前怎樣去控制自己的情緒也不懂嗎?

只是一個位子, 用得著要粗口橫飛去爭取嗎?

做了這麼多年的人, 連基本的禮貌也學不懂嗎?

 

我不是崇日, 但事實上日本的禮貌教育的確做得比香港出色得多

當然當中可能也會有些沒禮貌

但至少整體來說日本人的禮貌比香港人優勝

 

我不會怪也不會嬲那個西裝友

我只會替他感到可憐可悲

活到了這麼久還要靠著說粗言及不講理的態度去增加自信

真的很悲哀

 

又或者.....事實上他只是一個有精神問題的人

那我更加會同情他

今早還是吵得火紅火綠

大家冷靜了一陣子, 最後還是要面對問題

講了良久, 大家還是不想分開

希望來緊既日子大家都可以慢慢轉變吧

 

下午2個人還是出來了,

起初還是有點尷尬

畢竟之前吵得那麼厲害

不過之後的幾小時還是過得很快樂

最後他知道了我之前的鏡子爛了

還送了一個新的給我

雖然不是很貴重的禮物

不過我真的很高興很快樂

很可愛吧~~~^o^ 每次見到呢塊鏡都會想起他~~哈哈