| Marshy's profile嘉儀addicted to MUSIC/野食PhotosBlogLists |  Tools  Help |
|
June 30 10萬個為什麼?其實我覺得,
一個問題如果你一天找不到答案, 就算你抑制住不去想,
佢每分每秒都會自動浮現係你腦海內.
之前的死亡問題一直撓在我腦內揮之不去
找不到答案, 抑制住不去想之餘
不知不覺又再產生一堆問題出來.........
為什麼人會活在這個世上?
為什麼人一出生一定會面對死亡?
為什麼整個宇宙只有地球會有人類?
如果一出生就要面對死亡, 生存是為了什麼?
辛勞一輩子, 最後還是要面對死亡, 那當中所做的所學的到底是為了什麼?
為什麼我會出生在現在這個社會而不是20年前?或200年前?
為什麼這個世界會有'我'的出現?
為什麼人體的所有機能到7,80年後就會自動退化直到停頓?為什麼不能一直運作下去?
我試過去找一些書籍來看, 嘗試尋求答案,
例如看過面臨生死邊緣/昏迷再醒來的人的自傳
但他們都說到很精彩似的, 又看到呢個那個, 又看到很多熟悉的面孔, 又說看到美麗的花園, 草原等等...
當然我不會懷疑他們, 因為雖然他們沒有知覺, 但他們仍然會呼吸, 大腦仍然運作
等於我們平常睡了覺會發一些奇怪的夢一樣, 不出奇.
但我說的是大腦完全停頓, 所有身體機能完全停止的時候
我又看過一些談生與死的書籍, 不過他們大多都是說人死後是會有靈魂, 會飄向天堂或地獄,
只是人類肉眼看不到
但我又想重申,
人死後大腦身體機能所有都停頓,
又怎會再有產生自己既意識在靈魂內?
那靈魂又以什麼來支撐思想?
就算如果有靈魂, 地球數百萬年來死亡人數無限
那所有的靈魂都擠在哪裡?
其實我都不知道自己最近為什麼會不斷在想這些以前從未想過的問題
以前我一直都覺得死亡是係離我很遠的事情
一班朋友, 一班親人, 永永遠遠都一直係咁樣既樣貌, 年紀
但可能自己就來步入30, 有些生活上的轉變, 真的開始恐怕面對將來有更大的改變
每天打開報紙, 都看到有人死亡: 自殺, 謀殺, 意外, 天災等等
意外或天災那些而死亡的人我看到真的很心痛,
點解上天不可以給他們長命一點老死? 而要在生命的中途奪去他們?
而自殺或謀殺的人真的很傻,
明明自己是可以一直生活下去
明知死亡終有一天都會來臨,
為什麼要提早結束? 為什麼又要令別人提早結束生命?
就算是再大的煩惱, 再大的仇恨,
我想也不致於要提早面對死亡吧....
有時我又會想, 其實我們生兒育女是為了什麼?
我們辛苦生下了孩子, 辛苦供養了他們
但最後他們同樣都是要面對死亡
那麼到底我們生下他們時, 是不是害了他?
我們辛苦生下了他, 當然會愛護著他, 不想他受到傷害
但同時又強迫著他們去面對死亡
那不是很矛盾嗎?
我開始覺得我自己講既野可能沒有人會明白
好多人都安慰我叫我唔好去想太多
不過一日未解決到問題, 就算我成日同自己講唔去想
佢都一定會自己係我的腦內紂纏.
唔知道其實係呢個世上有冇人會同我一樣有試過去探討過呢個問題呢?
June 26 很刺激的街機前2日2個人放工去左megabox度食飯行街.
本來經過目黑又心郁郁想食, 不過最後去到8番拉面見98蚊有個2人餐, 咁抵?
試下先.
不過一食就知再冇下次了, 因為d面我覺得同公仔面冇乜分別, 只係粗左少少.
本來想叫餃子, 但係成40蚊一客, 仲要係呢度, 都係唔值.
食完覺得雖然2個人98蚊, 不過都好唔抵.
食飽飽2個人行左上頂樓機鋪度逛,
玩左一次好耐都冇玩賽車, 仲係頭文字d
點知揸揸下居然由尾追番上第一, 真係神奇.
跟住見到座好大既射槍game, 前後都有屏幕, 好似好勁咁, 要成$10蚊次
不過我都嚷住要男友陪我玩一次
坐了上去又要扣安全帶, 又有過頭欄, 好似好大陣象
跟住個職員就關左門, 房入面黑哂, 都咪話唔驚
跟住前面大銀幕就出左好多野打,
打打下成架車又會轉去後銀幕再打
轉來轉去
椅背仲成日吹d氣出來, 嚇到我叫左出來
玩左10分鐘都冇就完了
不過我又覺得幾好玩wor
起碼平時咁多壓力, 玩下呢d刺激既遊戲都可以舒發下,
玩完人都輕鬆d
算是想通了嗎?最近腦海裡不斷係度想死亡, 生態環境的因由, 想到真係自己都怕了.
好在每次男友都好耐心去安慰我, 不厭其煩地解釋給我聽才令我心好過一點
所以我發現到一個道理, 呢個世界依家見到遇到既所有人,
終有一天都會同我一樣消失哂
到時識既人全部都唔係身邊時,
又到左一個我都跟唔上既未來世紀
那可能死或者真的是一個解脫
正如我妹跟我說: 知道以後既世界又如何, 你都做唔到d咩
所以我明白與其真係會有一天面對死亡
何不在世之年開開心心享受人生?
雖然時間真的不留人,
但數數, 1年都有成3百幾日過
10年都仲有成3千幾日
起碼10年內係呢3千幾日我都仲可以做好多好多自己喜歡既事
所以我覺得
如果覺得做某d事令自己唔開心或者難受既
就應該唔好做, 馬上去找尋過令自己開心既野
畢竟時間無得倒流的
今天是男友的前路第一步
想起真係好開心當時自己的堅持
否則佢有排都未會走到呢一步
呢幾日猛下大雨又打8號風令自己身心都開始有點懶惰
不過最近改變了飲食習慣
早餐吃一份大大的三文治加奶
午餐吃自己喜歡既面/飯
晚餐有時候係家吃, 有時跟男友出外吃
因為一方面我要係有生之年吃盡我喜歡吃既野
另一方面我唔要節食令自己身體有問題,
我要自己健康, 我要長命 June 20 心動的感覺最近想一想,
原來我和男朋友巳相識了差不多一年了,
有時真係不敢相信原來跟他巳經快一年了.
呢幾日自己腦海裡想了很多東西
最近係網上一個討論區
見到有人發了一個post主題係: 大家分享您被您男朋友感動的經驗
我見到呢個post,
突然醒覺到, 係wor, 點解我拍左咁耐拖從來都冇試過呢個感覺既?
看看內容, 個個都好甜蜜咁寫哂自己既男朋友為佢地做過既野....
看著看著, 不自覺的會有些羨慕又有些心酸....
跟他一起, 我從來冇試過有感動/心動既感覺
或者咁講, 佢好似從來都冇做過什麼事想令我有咁既感覺
我知道佢係一個平淡主義者
好多野安安定定冇風冇浪就算好了
佢沒事時也絕對不會做任何野來博我一笑
有時我也會輕輕跟他帶過這個問題
不過最後又會變做要我直接教佢點樣做
當然我是不會教了
有心想做的話周圍都是途徑去學
我真的從未聽過有女朋友會教男朋友點做來討好自己
這樣跟自己自話自說有什麼分別?
這樣多沒意思
那不如不做好了
我真係好想試下感動/心動呢種感覺
到底呢種感覺會係點既呢?
我想做的是被人愛, 被人保護的角色
我不想再做保姆的角色了
可能我真係就來踏入3字頭
真係開始擔心我自己的將來
June 14 精神崩潰最近一直比'死亡'呢樣野係腦海入面重複又重複
每次一有時間靜下來時腦海便會想起
番來又複去
這個多星期, 每晚訓係床上想入睡時
腦都會自動彈出這些問題
每次一想, 全身便會呼吸急速, 冒冷汗
甚至有好幾次更加想到哭了起來
而且最近差不多每天/隔天,
心口就會十分痛, 好像有強烈的什麼東西在壓著我一樣
每次心口痛都會持續數分鐘
痛完又沒事
不過每次痛完我腦內又會再自己陣出這些問題
真係令我精神差點崩潰
想想下, 覺得轉眼間自己今年巳經28了
時間真的過得很快
過多1-2個28年我就要永遠離開呢個世界擁有的所有東西, 所有親人, 所有朋友
一想到將來自己一定要面對死亡, 面對要斷氣既一刻
我就好想哭, 好唔想面對
雖然好多人都會話: 時間不留人, 所以要係有生之年珍惜時間
但係珍惜時間做左好多野又如何?
時間一樣會流逝, 做幾多野最終還是難途一死
有人叫我不如信教, 信死後靈魂還在, 讓自己的心舒服一點
但我不能不想到,
死後大腦都停止活動,
那你的思想怎麼會還可以抽離你自己的身體繼續去思想?
雖然咁講好似冒犯了某些宗教,
不過我自己又不受控的從科學角度去分析
我唔怕老
但我唔想死
我唔想面對斷氣既一刻
我唔想跟我愛的人, 親人, 朋友分開
我想一直永遠看著這個世界
其實我係咪需要看心理醫生? June 05 死亡最近可能因為見到四川大地震好多人死傷
自己心裡開始有一個問題
每日都不斷係心裡反複問自己
[ 究竟死後我這個思想會點? ]
越想越害怕, 怕得有幾個晚上都睡不著不斷冒汗....
究竟大家有沒有想過,
'我'這個思想, 這個意識係死後到底會去哪裡?
會跟著身體完全停止思想?
永遠唔可以再諗野?
一想到這裡我就好怕好怕
聽過有人信死後這個思想會隨靈魂一起遠離肉體飄去輪迴
但如果以科學角度看, 人死亡後所有機能都會停止, 大腦亦會停頓
咁又點會再有思想產生呢?
到底相信哪一個才好?
當然如果信有靈魂的話就會安心好多了, 因為始終死後還有'我'這個思想
但又不能不信科學角度, 始終科學角度的還是最實際.
我真的好怕好怕'我' 這個思想會有一天消失
但這一天始終要來臨
我真的好怕好怕
我開始有點明白為何古時有些人會想盡辦法找尋長生不老的方法了.
我不是怕老, 我只是怕'我'這個思想會消失
其實除了死亡, 大家又有沒有想過'我'這個思想在出生前到底在哪裡呢?
比如我是從3歲開始有記憶, 那麼3歲之前'我'這個思想到底怎麼?
我想我說的應該沒有人會明白我的意思.....
不過呢個死亡問題真的十分困擾我......
到底哪裡才有答案呢?
|
|
|
