有時諗生活係呢個年代都有好有唔好....

好係科技發達, 要乜有乜, 咩都有可能變成真.

不過我十分唔鐘意依家呢個時代不斷鼓吹''瘦''就係靚, 攪到個個都話走去減肥

一本雜誌入面起碼有一半都係瘦身廣告

我自問以前都傻過, 居然比呢d廣告呃過, 諗番都相當後悔...

眼見身邊既朋友姊妹, 一個二個瘦到好似得排骨咁仲話自己肥, 真係吹漲

俗語說 ''辛苦為兩餐'', 辛辛苦苦做野當然係想自己個肚皮食好d

我自問鐘意食野, 不過其實我每餐都只係食正常分量,

不過由出世到依家自己都係肥底, 就算只係好似平常人食正常3餐都會變得好肥

如果要減肥就要狂做運動, 我曾經有一排都咁樣去做,

但係就算減左都係好有肉個隻, 因為我d骨好重好大

不過有時諗, 其實點解我(或者大部分人)一生都要同減肥扯上關係??

點解唔可以開開心心食完野完全冇後顧之憂??

我覺得食野係一個好開心既表現, 我最鐘意睇人食野

因為就算再嚴肅既人, 一食野個樣或者心情都會比平時放鬆

我最唔鐘意同我食飯時同我講要減肥呢樣唔食個樣唔食, 又或者叫左d野食全部食一啖就話飽

呢d人呢世都唔會同我做到朋友

食 - 係一個開心表現, 何必要食完咁自責自己?

點解時時都要將''減肥''或者''我好肥''掛係咀邊???

點解次次食到好滿足時總要有人話"你唔怕肥咩''或者''你食咁多野好快d做多d運動''呢d掃興說話呢??

 

以上又係我一時即興發up風.....