剛剛落機返到屋企, 好累, 但係趁係我失憶之前快d記低佢先~~

 

一早凌晨5點就起身, 搭9點機, check左in之後, 趁有時候阿妹就話肚餓, 於是就上機前係BURGER KING度買左個雙層芝士漢堡餐, 係, 冇錯, 係朝早8點食雙層芝士漢堡......個飽勁大個, 我咬左2啖都好漏, 阿妹食完仲話未飽, 想食炸雞, 好彩我提醒佢上到機仲有飛機餐, 所以最後冇食到. 上到機, 雖然好眼訓, 但係又訓唔著, 而且阿妹不斷太興奮郁個不停, 唯有玩NDSL既應援. 4個鐘既機好快就過左, 到左機場都差不多3點幾4點, 所以本來想搭個平d既京城鐵路, 最後轉左去搭個貴少少既京城skyliner, 一個鐘左右就到我地住既池袋啦!!! 我地將行季擺左上房之後就即刻出街. 第一日既目標就係要去赤板食最好食既''秀''拉面!!! 上一次去時唔好彩佢休息日, 今次雖然唔係好記得條路, 但係行到腳痛都終於搵到啦!!而且佢仲係開左門, 冇乜人, 我等左2年既拉面終於都可以再去食啦!!! 今次佢新推出左一款海老(蝦)醬油拉面, 所以就叫左一碗呢個同一碗傳統既. 醬油好水, 不過有好濃既蝦既鮮味, 面就粗d, 有d似soba, 其實都唔錯, 不過我本身唔鐘意食咁水既湯底, 所以都係比較鐘意傳統個款豬骨湯底!!!同以前我食既一樣咁好味, 水準keep住咁好!! 最正既就係雖然佢既湯底係好濃, 但係食完次後完全唔口乾, 口內仲有好強既蝦味!! 食完都差不多8點, 就搭番地鐵去池袋行下藥房, 買左我最想買既野. 而阿妹入到去就好興奮, d化妝品多到佢都唔知買邊隻好. 行到10點幾就行返酒店, 順便去便利店又掃下野食.

 

8點起身, 化下妝攪到9點半就出去''松屋''食早餐, 叫左納豆定食, 日本既蛋勁有蛋味, 勞埋d白飯同納豆真係無敵!! 食完就搭地鐵去涉谷, 由於星期日既關係, 真係勁多人, 又勁多辣妹出沒, 都唔洗行其他, 我地淨係去左109都行足大半日, 阿妹入到去好似失左控一樣, 佢帶去既銀兩轉一轉身巳經冇哂.....好彩我仲控制到自己, 而且由於個度d衫全部都係超細碼, 細到完全唔係比人著既, 阿妹有d試左都窄, 所以我又點會買到衫呢~~~最後都係掃左d鞋同袋, 係samantha vega度睇到d袋今季勁醜, d pattern整埋哂d香蕉蘋果勁低能, 所以冇買佢既袋, 只係買左個card套. 行到2點左右, 跟住去左好出名既'牛角食堂''度食lunch, 等左一陣位就有, 我地叫左一個加大既厚燒牛肉定食同漢堡排share, 佢既牛肉真係好食到唔識形容, 加埋另加既雞蛋, 成碗白飯又食哂. 食完我地就搭一個站地鐵去左原宿. 個度勁多人, 仲有好多cosplay同lolita, 我地去個度既主要目的係去''PARIS KID'度買平配件, 個度全部都係315yen, 勁低, 不過個日太多人, 所以只係衝衝買左少少就走左. 途中居然搵到d衫啱我. 行完原宿, 本來計劃再去新宿, 不過因為行到對腳痛到死, 所以頂唔順決定返酒店再行池袋. 返到酒店休息到6點幾, 跟住去池袋既seibu行地庫, 買左好多面包試, 又食左可樂餅, 跟住去行左parco, 唔知點解最後又一袋二袋咁多野, 最後到左9點幾, 去左''若貴''食壽司. 呢間野出名平又好食, 9點前就136yen一件, 9點後就同樣價錢但有2件!!! 我地食左12碟, 埋單都只係港幣100左右!!! 不過最衰唔識日文唔係好識叫, 見隔離個阿叔勁叫哂d靚魚生食.....食完又去左便利店掃甜品同小食, 之後就返酒店.

 

由於呢2日都由朝行到晚, 對腳實在痛到無法形容, 所以訓到9點先起身, 去到淺草都差不多11點, 個條商店街勁多野食, 又多野買, 阿妹當然係每個攤位都試均啦~~由燒團子, 煎餅, 炸草餅, 人形燒, 所有係淺草食得既野阿妹都試均, 行到雷門, 原來真係得一度門, 影左幾幅相之後就行左去對面既觀音寺, 由於一來太熱, 二來好多人, 所以我地都冇入到去, 只係門口度影左幾幅相就走左. 去完淺草, 就跟手搭幾個站去上野. 成日聽人講上野買野食好平, 估唔到真係平到笑!!!除左手信平不在話下, 竟然見到好多好平好正既海產!! 見到好多人都pack一箱二箱海鮮, 但係我就冇咁好氣抬番香港啦....不過行過見到一盤盤好大盒既三文魚子, 平時係city super或者sogo要成60幾蚊得個盒既3分1, 依家竟然一大盒只係500yen!!!真係抵到笑, 即刻買左一盒返酒店大匙大匙咁食!!!鮮味到震!!!!!跟住我地去左地庫一間日式西餐廳食lunch, 雖然間店唔係太起眼, 亦好平民化, 不過價錢相對亦好平. 我地叫左2個lunch set, 一個蛋包飯同一個冷烏冬. 個蛋包飯做得比香港任何一間餐廳都要好食, 飯唔係好多, 個蛋唔乾身, 半熟狀態, 好好味. 而個冷烏冬係一大驚喜, 估唔到係呢d西餐廳可以食到咁彈牙又唔粉既烏冬!!埋單都唔洗2000yen. 食完我地就去左新宿, 由於仲係下午, 所以牛郎仲未出末, 阿妹見唔到有d可惜. 去左激安之殿堂, 不過新宿呢間真係好唔店, 又細又少野買, 所以我地行左一陣好快就走左. 到左6點幾我地又返去池袋, 擺低左係d野係酒店到7點幾又出過去, 今次去左池袋既jean mate度阿妹掃牛仔褲, 又去左ABC mart度掃左幾對鞋. 到9點幾就去左便利店度買左關東煮同一大堆零食甜點返酒店當晚餐.

 

最後一日. 由於要行既地方都行哂, 要買既亦買哂. 不過最後衝次, 總有野買既. 所以我地一早就去左藥房等開門掃多少少野, 跟住又去左tokyo hands度買手信, 最後去左sunshine 60既地下街. 買哂野之後就去左一間意大利餐廳度食lunch. 呢間餐廳既意粉一流, 而且價錢又唔貴. 我地叫左一個蘑姑蕃茄意粉同煙肉忌廉意粉lunch set, 佢地既自家製面包有5-6種咁多, 仲要係任食. 佢既意粉真係係香港食唔到, 無法形容咁好味. 埋單又係唔洗2000yen. 食完跟住快手快腳12點幾就要返酒店攞行李出發去機場. 到機場check完in, 就用身上既餘錢盡買哂野食返香港. 而到臨上機最後一分鐘, 阿妹都仲要買左一杯大雪糕企係機口度食埋, 等人人入哂機等佢入機. 真係黑洞到最後一秒........

 

其實今次呢個trip基本上係狂逛喪買激食團. 其實我巳經食少左阿妹好多野, 但係都食到人肥面腫, 所以我都盡量唔影相, 費時嚇親街坊. 而且雖然今次帶左平底鞋去, 但每日由9點一路行到夜晚10點幾, 真係著平底鞋都唔得, 腳板痛到紅哂, 真係十分難頂.  而且日本個邊早上同晚上都只有10度多d, 凍到痴筋, 但中午又大個太陽, 又曬又熱, 真係唔知著咩衫好.

不過overall唻講, 今次呢個2人購物團都好開心, 希望明年儲多d錢再來過!!!努力!!!

 

最近令我最開心既事就係下星期就可以同阿妹一齊去日本, 但又係令我最唔開心.

呢2個星期我費盡心思周圍去買guide book, 上website, 周圍搵資料搜習, 務求可以plan一個盡善盡美既行程出來,

等佢可以係短短4日參觀哂日本各地特色既野. 因為天知道下次佢再去既時候係幾時.

但係每次當我plan左問佢好唔好, 想食咩野, 想睇d咩, 玩d咩, 佢全部只係答我: 是但啦, 你話事啦~之類既膚顯問題

佢一心只係想去涉谷一間商場度買衫, 其餘全部都唔在意......

我覺得好失望.....

我同媽媽一心出錢請佢去, 係因為佢話屋企個個都去過, 只有佢未去過,

以前又話想去日本係想感受個度既文化

但依家只係演變成普通買衫日.......

當然, 野係必定要買, 但花左咁多錢去住hotel坐飛機, 如果淨係為幾件衫, 咁不如上online shop度或者去yahoo度bid啦.....

依家其實有d後悔......

不過自己又想去, package又confirm哂.....費時依家先cancel好似唔係幾好意思...

 

識我既人都話我太寵佢, 其實有時我諗諗下都覺得係架

自問我18歲時有幾何會出夜街去飲酒化濃妝呀? 想當年我門禁時間仲係8點前tim~~

所以其實有時我覺得媽媽對佢都太寬鬆......

因為講真, 佢以家呢個年紀係反叛期, 係出面凌晨2,3點做咩大家都唔知,

大家係真係擔心佢架...

不過可能依家真係佢既反叛期啦, 所以佢好多時都唔聽我地講野....

真係好無奈........

本來諗住5月去日本, 點知比老闆拒絕左之後, 本來好down, 但好彩最近接二連三有好消息.

第一係Avril Lavigne 8月中會係香港開一場live, 依家開始賣飛, 為免重蹈覆切, 所以我一知道就去買左飛起. 不過因為我本身唔係Avril fans, 所以只係買左2張$380最平個d, 不過係正中位置, 對正台, 睇唔到至在去感受下氣氛.

另一原因係我要留番d錢睇我最欣賞既Christina Aguilera係7月3日開一場既live!! 呢個真係夢寐以求!!! 不過要5月中先有得賣飛, 真係十分心急~~~

但係自從上次濱崎步concert賣飛事件後, 我一直都有陰影, 好驚今次又買唔到飛.......

 

最近自己打NDSL既ff3入面既boss死左2次之後差d又丟機, 就停玩左, rest一排先再煲過, 呢排轉玩'交響情人夢', 佢好似應媛團咁, 不過d歌全部都係交響樂, 但係都係d成日聽好著名既歌, 仲有d小遊戲, 唔太刺激, 好啱冇野做時玩.

另外又玩緊GT賽車, 本來見有條香港賽道, 諗住會好似PS2版個條咁真咁刺激, 點知幾經辛苦開左之後, 條賽道假到爆, 完全都唔係香港來既.....好玩度一般, 始終最好玩既賽車GAME都係MARIO KART~~