原定的計劃有少少改變...

又要想辦法拿資料, 如果唔係就完成不了!!

真係要諗下點樣可以拿到手....

 

今天是拍拖以來第一次他離港.......2天咁多

雖然只係2天,不過個心都好擔心佢會有事

終於明白到有時候我出差時佢既心情了..../__\

 

呢2日左眼冇啦啦痛得好緊要,

一合上眼就好痛

大家都話可能係副con夠期

不過我明明係摸到眼下面舊骨好痛

真係唔知點解,好似比人打左隻眼一拳個種痛

唔知係唔係有人趁我訓著時打左我一拳呢??

尋晚同家姐傾, 終於決定了地點啦!!煩惱左咁耐終於都找到合適架啦~~好期待個日的來臨啊~^0^

雖然可能得我自己一個樂在其中, 也有可能得到的反應會跟我預期的小很多, 不過我自己都好享受做呢d野, 因為為自己喜歡的人做呢d野, 真的是一件樂事而不是一件麻煩事.

做咁多野都只希望可以看到佢到時候的那幾秒鐘的歡笑巳經是一件很值得的事了~^_^

 

最近的確是很忙

2個展覽會再加上廣交會

今天剛忙完一個展覽, 明天又要上大陸

到星期6番香港之後, 星期日又要再去第二個展覽set野

到5月初為止應該唔會有一天假期了...

其實身心真係好倦

有時候真的想有個人安慰下自己鼓勵下自己

甚至希望可以躲在他懷裡哭一下發洩一下...

可惜他不懂這些, 反而會從另一角度去睇呢樣野

不過我明白的, 唔可以怪他

因為畢竟沒有經歷過呢d壓力, 又好難會明白的

其實有時我自己會想

自己雖然唔鐘意讀書, 但如果跟依家既工作相比

真係好懷念讀書既時候

我想, 做緊野既朋友都一樣會跟我有同樣的心情.....

不過過去巳經過去了, 唯有依家自己咬緊牙關, 堅強地努力工作吧

 

好緊張啊~還有20天的時間準備, 現在還未完全安排好, 怎麼辦?

我一定要盡力安排好的~畢竟這是第一次過嘛~

 

來緊呢一個月將會係最難過的日子....不過我會盡力忍耐等呢一個月過去的~^^

 

最近穿了幾次高跟鞋, 點知每次回家脫鞋時腳板都痛得要命, 腳指還生了大大的水泡, 難受得要命....

唔通係因為最近穿得太多布鞋波鞋所以再適應不了高跟鞋?

唔通我和高跟鞋的緣份到此了??

...................那我家裡的幾十對高跟鞋怎辦??? / __ \

今日同家姐講起, 原來最近OPENRICE攪左個優秀餐廳選舉

結果最近亦公怖了

發現原來有好多餐廳我都有去過了

不過原來香港亦有好多高水準既餐廳我未試過....

我決定了....下個目標我要找出下面幾間餐廳既地點再去試>_<!!

 

1. 澳洲牛奶公司 (佐敦白加士街47號地下) - 呢間我講足3年要去架啦!!唔知今年內可唔可以達成目標呢?

2. 時新快餐店 (紅磡黃埔街1A地下) - 個個都話佢既11蚊burger勁正, 真係好想試下呀....

3.西門町台灣面食 (旺角通菜街2號鴻光大廈2N號地舖) - 我既台灣美食癮又發作...見親台灣野食一定兩眼發光...

 

雖然以上的都不是什麼高級餐廳, 但我覺得有時左搵右搵搵到間好食既小店真係幾有趣又有滿足感的~

唔知今年內可唔可以衝破我路盲呢個美譽, 搵到哂呢3間餐廳試下呢?^_^

 

OPENRICE得獎名單: http://www.openrice.com/info/prize.htm