| Marshy's profile嘉儀addicted to MUSIC/野食PhotosBlogLists |  Tools  Help |
|
April 10 濱崎步演唱會話咁快復活節假又過完.....5日假好似放得好快, 都冇乜點做過野.
5號一早6點幾就去左拜山, 行到腳都震, 跟住下午就去左赤柱燒野食, 去到先知有成十幾個人, 好熱鬧, 不過因為自己腸胃呢排不適, 所以都冇乜點食野, 最飲恨係走左先記得自己完全冇燒過牛排!!!!
之後幾日都因為拜山行到小腿抽筋, 所以都冇乜點出街.
但係7號晚就算點痛我都要出, 因為係我同我number one偶像 - 濱崎步既約會!!!! 個日諗住8點開show, 7點去到買紀念品, 點知去到d人多到想像唔到, 10幾樣精品得番2-3樣, 但係既然得一次點都要排. 點知排左45分鐘先宣佈所有精品賣哂, 真係激死人!!!! 原來d人瘋狂到一早就來排隊等買.........唉.....睇下遲d yahoo有冇人放出來bid啦......
到左8點就開始入場, 不過話就話8:15開始, 都要等到8:45先, 不過都預左啦, 上次BEP都9點先開啦. 但係步步個台真係超華麗超正, 音樂一開始全場人基本上巳經起哂身, DANCER同STAGE全部都以宮廷式華麗登場, 而AYU就係台上面吊落來唱'EVOLUTION', 雖然我地坐到山頂咁遠, 基本上要睇大電視先睇到佢既表情, 但係個刻實在係感動到冇法形容, 真係好似DREAM COME TRUE咁, 以前完全冇諗過可以係香港睇到佢既CONCERT, 所有手都震哂, 而且不自覺地流左2行眼淚!!!
而AYU就冇停過地係一個鐘內換左6-7套衫, 件件都超華麗, 尤其係件和服, 全部都鑲哂閃石, 就算坐到山頂都清楚地睇到件衫勁閃!! 又唱左幾首舊歌, 有我最鐘意既'APPEAR'. 唱到10點就開始ENCORE, 由於4月8日係AYU出道9週年, 所以我地全部人係佢出場時全場清唱左佢出道第一首SINGLE 'POKER FACE'既其中一段, AYU當時感動到喊, 之後就有個大蛋糕推出來, AYU就背住我地同DANCER一齊影左張相. 跟住唱左幾首佢好少係演唱會唱既歌, 居然包括'FLOWER GARDEN'等非主打同冷門歌, 其中AYU用英文講左幾句野(佢D英文進步左唔少), 又用廣東話講"我係PUNK崎BU', 最後唱左首舊歌"WHO'', 之後一貫佢作風, 擺低支咪齋大叫'ARIGATO'就返入後台. 成場基本上都冇冷場, 不過要比分既話我只比85分, 因為一來成場太短時間, 10:45分就散場, 二來佢好多新歌都冇唱,新碟內起碼4首主打都冇唱到, 反而不斷唱舊歌.....不過AYU都係唱'WHO'時加左幾句國語, 好特別. 最衰係全場都唔比影相, 唯有係腦內回憶.......
不過第二日起身睇報紙就見到陳EASON係度猛踩AYU, 又話佢1/3係咪咀又話自己睇到訓著. 頂佢個肺, 訓左又點計到1/3場咪咀呀, 仲有AYU唱既肯定全部都係現場, 其中有首歌好明顯係佢聽唔到音響而甩左咀, 仲有其他歌好似'SECRET'咁佢既尾音好明顯係LIVE啦, 唔該唔好自己訓著左又係度踩人咁冇品啦, 仲有, 訓覺就返屋企訓啦, 霸住哂D位等真正想睇既FANS冇得睇, 賤格. 本來以前對佢都冇乜感覺, 不過唔好以為自己唱得兩唱就好巴閉啦, 依家十分討厭佢, 本來都少想佢既歌, 以後千其唔好再比我到佢D歌, 聽一獲'媽'一獲.
尋日係屋企睇左幾套舊戲, 其中番睇左'PLEASENTVILLE'令我諗番起一件得意事.
話說當初呢套戲上時由於男女主角都剛出道, 冇乜名氣, 所以冇乜人睇, 但我好鐘意佢個故事, 特別得來成個STORY都MEAN SOMETHING, 當時有個男仔約左我睇戲, 記得個時仲有一套好HIT既戲上, 但當佢問我想睇咩戲時, 我就話我想睇呢套. 入到戲院真係得幾個人睇, 但一路睇我真係覺得好好睇. 而坐我隔離既男仔我雖然冇乜點理佢, 但感覺到佢成場冇郁過, 唔知係咪訓左. 到完場時我本來想開口話呢套野幾好睇, 點知佢巳經一句達埋來: 都唔知套野UP乜, 悶到死! 我即刻冇聲出.......好明顯地大家既興趣係好唔同......不過算啦, 都過左去, 依家諗番起都得啖笑~~~哈哈
另外又睇番'BJ'S DIARY'同'VENHALSING', HUGH JACKMAN真係冇得頂, 靚仔到暈, 始終都係我心目中既DREAM MAN.
|
|
|
