| Marshy's profile嘉儀addicted to MUSIC/野食PhotosBlogLists |  Tools  Help |
|
February 28 糜爛新年後記星期一,二係自己大假, 咁啱阿妹因為幼稚園仲未開學所以仲放緊假, 就抓緊時間係最後2日出街衝刺.
星期一去左旺角, 未行之前先去填肚, 諗來諗去最後都係去'板前壽司', 3點呢段時間冇乜人, 但係唔係好明點解出野出咁慢, 仲可以漏單, 好彩我地唔趕, 所以都冇所謂. 一向覺得'板前壽司'都係冇'峰壽司'咁好食, 不過個珍寶凡立貝壽司一定要食, 個凡立貝超大件, 啖啖肉!!!仲有個蝦膏壽司都不錯. 埋單4百蚊, 心諗早知落銅鑼灣食'峰壽司'好過...係旺角行左一陣, 買左最新春季既'nail up', 去埋郎豪坊都冇咩好行, 就返屋企, 係設屋企之前去左hmv度掃左幾隻碟, 買左林狗隻dvd返去睇, 阿妹話佢d fd話好笑, 所以200蚊都買來諗住笑下.
食完飯開唻睇, 全場我都唔知笑位係邊.....見佢個鏡頭係咁影住d觀眾最好笑個時, 但佢講個d野都唔笑, 個幾鐘我只係笑左幾聲, 佢講個d野我一d都冇共鳴, d笑位又散.....反而最後bonus佢講個d港女既言行最好笑: 超低能, 勁攪笑!!睇完悶悶地同阿妹本來想番煲'ANEGO', 不過睇左一集唔係好想再睇, 所以我suggest不如番煲'我係金三順', 呢套韓劇係我覺得最好睇既韓劇, 除左三順好笑之外, 另一致命點就係劇中所有主要男主角都係十分十分靚仔!!!!雖然依家現實中既玄社長唔係咁得, 但係當時劇中既佢真係好正!!仲有另一個主角denial又係, 直情仲靚仔過吳彥祖, 心地又好, 簡直係perfect man!!! 攪到我同阿妹2個煲到凌晨5點幾先訓.
今日係放假既最後一日, 點都要出去再逛下. 大家姐今日唔使陪奶奶, 所以同我地一齊去shopping. 我地先去銅鑼灣麻布茶坊度醫肚, 新出個南瓜面唔錯, 但係個咖哩烏冬好難食, d咖哩唔係咖哩, 係水唻既, 我煮都好食過佢. 食完係銅鑼灣行左一陣, 諗唔到有咩仲要買, 所以陪大家姐去sogo睇袋, 喝住本來想上去佢個書屋睇下新一期既vivi有未, 點知比我搵到一千零一本既'Samantha Thavasa'06秋冬圖冊!!!仲送Samantha大鏡一塊, 勁高興, 雖然要成舊水, 但係都值得!!入面住部都係Samantha同佢幾條line係秋冬會出既袋同首飾, 雖然只係上季, 不過佢d袋實在太靚, 唔知我幾時先有機會再去日本買多個呢??
 講真, 我真係唔鐘意名牌好似GUCCI, LV個d, 佢地d袋又貴, d款年年都係咁上下, 真係唔明點解咁多港女用, 仲要成日同人撞袋. 反而獨喜歡Samantha Thavasa呢個牌子, 一來香港冇得賣, 同埋d款又特別又多, 價錢比起名牌個d真係唔貴, 好似副線Samantha Vega一個袋都係千幾二千, 但係可以用好耐, 係香港絕對唔會撞袋.跟住行行下去左時代廣場既lane carlford, 因為之前買左支細既Escada香水覺得好香, 想換支大既, 所以去睇下有冇, 就係個個時刻, 我最鐘意既Vera Wang香水又吸引住我......本來一直唔買Vera Wang係因為佢好貴...覺得佢個蓋隻介指好老土, 不過真係好鐘意隻味, 大家姐同阿妹一聞都話"呢隻味係你既味啦'', 所以就諗橫店都要買過支香水, 不如決心買隻啱自己既. 最後就買左支中size既, 都要4百幾, 仲要得50ml, 不過自己真係好鐘意. 但係諗諗下......其實我屋企仲有5,6支香水都未用完..........
最後臨走前再去missha度掃左一堆指甲油. 係missha我唔會用佢其他野, 唯獨佢既指甲油真係幾好用, 又夠平, 15蚊一支, 仲有好多色, 用色系既又有好多種唔同既質地, 搽完通常可以last at least 1個星期, 唔錯. 不過返到屋企心痕點算下自己買過既指甲油, 原來自己唔覺唔覺都買左成80幾支, 真係嚇一跳, 不過其實指甲藝術都係一門學問, 其實自問真係好有心想學, 不過時間經濟都唔許可.....如果可以既話真係好想去日本學, 香港既話就麻麻地, 因為佢地既水準好一般, 有時上網睇, 我自己整個d仲靚過佢地. 所以.....希望我中6合彩啦, 中左我就即刻飛過去!!!
另外新年期間睇左幾套戲, 先睇既係'Borat : Cultural Learnings Of America For Make Benefit Glorious Nation of Kazakhstan', 呢套絕對係超另類電影, 最初係係forum度見到其他人睇完個個都話勁好笑, 跟住去youtube度睇左幾段佢以前係電視度做過既片段, 之後就即刻買飛睇. 套戲主要係講一個中東既鄉下佬去到美國既趣事, 當中有好多都係嘲諷美國人, 通常d人睇完就好極端, 好似我同阿妹咁我地2個都覺得勁好笑勁好睇, 不過我個fd睇完就覺得唔好睇好核突, 其實睇下你睇呢套戲既出發點同角度既者, 而且可能因為佢套戲既中文字幕實在譯得好差, 聽佢講英文會好笑好多. 不過佢入面後半段真係有好多好不文既鏡頭, 可能會睇到你作嘔.
另外睇左'Night in the Museum', 呢套係小朋友戲, 咁就啱哂我同阿妹, 簡直係幕幕精彩, 最終我地入左戲院睇左2次, 令我諗番起以前HARRY POTTER初初上映時我同阿妹入左戲院睇左3次既瘋狂事跡......
 本來諗住佢睇埋'Charlotte's Web'既, 不過聽cherry話佢睇到訓著左就唔敢去睇, 等vcd出時再睇.
同埋'Music & Lyrics'呢d小品故事都係等vcd出時先睇.
不過呢個星期尾會上'DreamGirl', 有我最鐘意既Eddie Murphy, Jennifer Hudson (佢係參加American Idol時我巳經鐘意聽佢唱歌, 佢落選時實在抓爆頭)同beyonce, 而且佢地既soundtrack全部都係我最愛既motown類, 勁正, 所以一定要去睇.
February 22 糜爛既新年...話咁快成個禮拜既新年假又過左........
年29同30都係同阿妹去左尖沙咀shopping, d人多到死, d野好似完全唔洗錢咁, 尤其是係zara, 簡直好似街市一樣, 見到就唔係好想入去買野. 其實zara好多衫既cutting都唔係好得, d款又蝦人著, 係價錢比較中等, 唔明點解會咁多師奶OL去搶. 最大收獲係買左一對好靚既BETSY JOHNSON既HIGH HEEL, 原價成2千蚊, 減到好勁, 唔買對唔住自己. 本來想買JLO同JESSICA SIMPSON既鞋, 不過有對係尖頭, 由於春季尖頭會被淘汰, 所以就算減到4百幾都冇買. 跟住去左SHU UEMURA度本來想睇下胭脂, 點知試試下個SALES同我試左個2WAY粉底, 遮瑕度一流, 將我本來個日敏感引致塊面紅哂都遮到冇哂, 所以即刻買左, 不過佢個CASE就長期缺貨, 唯有上YAHOO拍賣度BID. 跟住阿妹係ROSEBULLET度掃左幾件減價TOPS, 由於ROSEBULLET碼數奇, 我地呢D咁高大既唔啱, 所以冇我份. 夜晚同屋企去左帝宛酒店食團年飯, D叉燒正到暈, D甜品多到食到嘔, 尤其個焗布甸, 餐牌係冇既要預定, 但係真係好食到暈.
年初一係屋企HEA, 係大家姐襯家同伯伯來拜年, 都冇出街, 係咁UPDATE我個WEBSITE. HEA到爆.
年初二, 成家去左舅婆度拜年, 跟住食飯直落, 好冇聊的一天.
年初三, 又係屋企HEA爆, 本來想執好我D食玩, 因為重有幾個大箱同10幾盒新既都未拆, 但係由於屋企新年爆水管, 所以又搵左個籍口比自己唔執住, 真係懶到出汁. 旁晚同阿妹街坊裝巡視德福, 先去莎莎掃左一袋指甲用既石之後, 再去零食物語狂掃幾舊水零食, 又去HMV買左我好想睇好耐既' EVERYBODY LOVES RAYMOND'既電視劇SERIES 1, 呢套我好想買好耐, 因為之前係STAR WORLD睇過一集好好笑, 同'FRIENDS'差不多. 跟住行行下唔知點解會入左去間電腦店, 睇睇下就買左部HP既3合一PRINTER, 而且又做緊95折, 千六蚊到, 都OK. PRINTER其實我想買好耐, 因為一直好想係電腦度再畫下畫, 但係由於冇SCANNAR所以個人又懶左, 依家買左, 就要努力D畫番幾幅.
年初四, 又係我地2姊妹出動FINAL SHOPPING既日子, 去左銅鑼灣同又一城, 行左成日, 收獲唔係好多, 我只係買左2件SWEATER, 阿妹買左一件衫同牛仔裙, 因為度度都係清緊冬季貨, 但我地其實係想買春季貨呀, 天氣咁鬼熱, 買乜鬼野褸即. LUNCH係德福個間'Cest bon!'度食, 呢間主要係食法式西餐, 食物其實唔係太特別, 不過服務態度就好好, 我地2點先去, 本來佢CLOSE 3點, 但係都照比我地入, 仲比我地坐到3點半, 不過佢個龍蝦湯超唔店, 仲要加20蚊, 超鹹, 鹹到飲唔到, 跟住同個經理講, 佢地都好好可以換另外一個野菌湯比我. 個STEAK以MEDIUM唻講其實生左D, 切開得3,4成熟, 個帶子天使面就好D. 最好食係個甜品, CHOCOLATE PUDDING一流!! 晚飯去左又一城既稻穗亭食日本野, 叫左個燒帶子壽司, 一般, 最好食既反而係佢既冷烏冬, 而佢推介既漢堡排我強烈地......唔推介. 難食到嘔, 千其唔好比佢MENU張相呃左, 荷包蛋變左一隻乾左既雙面煎蛋, 漢堡排乾到離譜, 千其千其唔到點呢個.
而今日係年初5, 決定又係屋企HEA.....不過今日大家姐係澳洲返來, 所以夜晚會去大榮華食飯.
經過呢幾日, 我發現左其實女生 (唔知係咪全部, AT LEAST我同阿妹係) 既忍痛能力都幾強, 生仔既痛就唔洗講係必然架啦, 不過好似前幾日SHOPPING時我著左對4吋HIGH HEEL行街, 點知後踭條帶邊刮住左我個腳踭, 一路行一路痛, 但為左SHOPPING仍然繼續行左幾個鐘, 到最後忍唔住同阿妹入左FITTING ROOM度除鞋睇, 唔睇由自可, 一睇.....SHIT.......個腳踭比條帶插到入肉, D血流到成個腳踭都係, 簡直可以用血肉模糊唻形容, 恐怖至極. 阿妹即刻攞張膠布比我, 仲用我換鞋著. 換左果然係舒服左, 但係前面幾隻腳指依然行到起左幾個水泡. 而阿妹同我換左鞋, 但行左冇耐佢依然比條帶刮到損哂.......雖然對鞋係咁衰, 但係我都冇丟左佢既打算, 因為對鞋實在好靚而且.................
...........................
..............
好貴架!!!
February 11 有冇攪錯!!我最愛既濱崎步4月唻香港開concert,上星期公開發售門票, 本來1月尾visa訂購時我仲身在英國訂唔到時巳經十分飲恨,
所以今次無論如何都要班到2張tickets!!! 我知係街排隊既一定唔夠人地通宵個d排, 所以就周圍問人睇下有冇朋友係入面做可以幫我買先
咁啱我同事話佢有個fd係通利入面做, 咁我就將我所有既希望都靠哂佢啦!!!
點知...............
..............
......
...
佢個fd話一開始其實780巳經冇哂, 得番480, 咁我就叫佢即刻買啦, 有咁前買咁前, 希望坐到中間都好呀
但係佢居然話34行!!!!!!!!!!!!!!!!!!!!!!!!!
34行!!?!?? 成個紅館最山頂最後個行都係36-38行!!! 咁睇到d咩呢!?!?!?!?!??!同280爭2行?????????????
心情實在down得厲害, 雖然我係叫佢幫我, 我都好多謝哂佢,
不過步步係香港只得一場既concert, 身為super fans既我仲要只係坐到山頂既位置,
我真係十分十分唔高興
所以我實在冇理由仲要裝到好感激好興奮既樣唻多謝佢架ma, 但係我都有唔該哂佢,
但係跟住佢居然仲要係度講埋d野話: 我幫你你仲咁樣, 我以後都唔做好人唔幫你啦, 跟話要乜乜差差回報之類既野
唔好意思都要講句, 我當時真係想打七佢, 我心情巳經好唔高興,
仲要講埋d咁既野來激我, 我唔該多謝都巳經講左, 仲想我點呀
雖然你個fd係幫左我, 但係我仲要付出成千蚊都只係坐係頂頂位置,
咁我應唔應該好高興好興奮地擁抱你話: 多謝你同我買左2張同280爭2行既480飛呀!!!!
而家最後既辦法係唯有問下我舅父, 因為佢有朋友係做攪紅館演唱會既內部職員,
睇下我地好唔好彩仲有冇內部ticket啦....... February 05 十分充實的英國之旅由於要擺展覽會既關係, 我同我同事kelvin係上星期展開左為期9日既英國之旅.....
其實之前聽到kelvin話佢女朋友都一齊去既時候真係有d唔開心, 因為我好驚到時我會做左一個好大既電燈泡.......好似我阻住佢地拍拖咁, 不過經過同事們同阿妹既開解之後就冇咁驚.
27號晚雖然11點幾機, 不過老闆都一早7點幾就過來車我去機場, 仲係去之前帶左我去深井食燒鵝. 到上到機, 又派宵夜, 食完之後就訓左, 不過實在太辛苦啦, 個位又細, 條頸訓到好痛, 訓唔到唯有打NDS, 打打下SUPER MARIO 居然比我打到過到最後一關, 但係想唔到既係最後一關破左居然又多個最最後既一個LEVEL, 頂佢個肺.....超難.....
係機度食完早餐又訓左一陣, 醒時巳經差不多落機, 到左機場大約凌晨4點幾, 等埋KELVIN女朋友會合, 我地就出發先去GLOUCESTER ROAD既MILLENNIUM HOTEL度CHECK IN, 跟住就好把握時間地先去睇大笨鐘, 西敏寺, 白金漢宮, 大英博物館...等等. 雖然係好很凍又行到好累, 不過呢D咁值得睇既野唔睇就等於未到過英國啦. 行到肚餓下午我地經過PIZZA HUT, 見到一個十分FUNNY既PIZZA, 就忍唔住入左去食, 叫左個SET FOR THREE, 有3個頭盤, 一個PIZZA, 3個DESSERT, 食到好飽, 埋單每人7磅. (以下對港幣換率係 x15.4). 行到夜晚因為時差既關係, 5點幾6點就開始眼訓, 所以就一齊返左hotel訓.
29號, 係set booth既日子, 不過11點先開始, 所以大家都想出去行一陣先返去set booth. 因為時差既關係, 我5點就醒左, 訓都訓唔番, 就唯有繼續我既NDS之旅. 係酒店食完早餐就出發去最著名既百貨公司HARRODS度逛下. 之前聽阿妹佢地講話英國D野超貴買唔到野, 我都唔信, 因為身為SHOPAHOLIC既我點會買唔到野既呢, 但係去到一睇, 嘩!!! D價錢真係嚇親人呀! 而且好多野香港都有, 所以真係買唔落手. 最後只係買左2盒HARRODS既朱古力比屋企, 我自己買左一瓶VERA WANG既LOTION, 雖然唔知香港係咪有同係咪會平D, 不過個刻真係好想買, 所以當係送比自己既雙糧禮物. 到10點幾我地就返展覽館SET BOOTH, 我地以最快既速度係3個鐘入面SET哂, 跟住走人出去會合KELVIN女朋友再去逛過. 我地去左BURBERRY既OUTLET, KELVIN同佢女友都好興奮, 買左好多野, 話比香港平好多, 不過我本身唔太好BURBERRY既, 而且就算平左都係好貴, 所以都係睇下多. 本來睇中左件漁夫褸, 減左要150磅, 成2千幾蚊港紙, KELVIN佢地猛話好抵, 但係我諗下屋企個十幾件褸, 有D仲未著過, 所以最後都係只試上身, 冇帶走到.
30號, FAIR既第一日, 十分少客, 所以我同KELVIN2個周圍撩人吹水. 到5:30, 放工走人. 夜晚KELVIN佢地食杯面, 我就去BURGER KING度外賣左個5磅既SET試, 雖然貴, 不過我覺得好食過香港既麥記喎, 而且個飽好鬼大, 食到一半就好飽.
31號, 第2日, 開始好多人, 都OK. 放工後因為KELVIN話要有飯到肚, 所以就去左唐人街. 其實我自己可能本身都唔多食飯同習慣左同阿妹成日食西餐, 所以都OK. 去到見到有間叫陽城小菜館有HOT BUFFET, 5.5磅一位, 就入去試下. 但係得幾盤熱食, 仲要係好難食.....D油雞真係得D油, 冇雞味, 仲要係乾柴皮...係得D菜食得入口. 間店最串既重係每位只可出去攞2次, 吹漲!!! 最後我地每人只出左去一次, 食完好快就走左. 食完係唐人街行左一陣又因為時差關係眼訓, 所以就返左酒店.
2月1號, 第3日, 叫做最多客, 都唔錯, 不過開始多左D運吉既中東客. 跟住中午時同一個行家吹開水, 佢地話有間BELLIE ITALIA 既意大利餐廳好出名好好食, 所以我地就諗住夜晚去食. 收工後咁啱我地對面BOOTH既行家亦有興趣, 就一行人一齊去左搵呢間野食. 點知去到BOND STREET搵極都搵唔到, 問人D人又唔知, 攪左成個鐘, 本來想搵多一陣, 不過同埋其他行家一齊費事要帶人周圍搵咁唔好意思, 所以我地就好快咁搵左另一間意大利餐廳食. 一行5人叫左一個PIZZA同2個意粉, PIZZA普通, 但係個2個意粉好好食, 最後呢餐重係行家既老闆請我地, 佢地真係好好人, 攪到我地勁唔好意思......KELVIN重問我點算, 哈哈, 我唯有話, 你呢幾日對人好D補返數囉!!!哈哈~~~
2月2號, FAIR既最後一日, 意想不到最後一日都OK多客, 到差不多4點幾, 開始冇人, 我地就執野, 跟住重有時間幫隔離BOOTH個女仔執埋, 大家有講有笑, 幾開心. 攪到6點鬆D就放工走人, 本來想去睇MUSICAL, 我想睇EVITA, KELVIN女友想睇CHICAGO, 但係去到賣TICKET時好鬼多人, D人做野又慢, 我套EVITA 7點半就開場, 所以趕唔切, 最後冇得睇. 因為係最後一晚, 所以我地都想食豪D, 就去左一間好出名好多分店既ANGUS STEAK HOUSE度食排. 見到個餐牌其實都幾OVERPRICE, 不過決定左豪一豪佢就入左去. 3個人叫左一份RIB EYE STEAK, 一份菲力斯 STEAK, 同一份蘑菇汁雞肉飯. 點知最令人驚喜既係個雞肉飯, 真係好好食, 另外2份排其實都唔差, MEDIUM熟, 都OK, 不過怕KELVIN佢地唔知食唔食得慣太生既肉呢....佢地好似食得唔多. 食完MAIN COURSE冇理由冇DESSERT架MA, 可能佢地冇習慣食完正餐食甜品, 但係我一定要, 而且又係最後一晚, 所以決定堅決要左個LEMON PIE. 真係好好食, 好正, 係香港真係好難食到!! KELVIN佢地就話太甜, 所以可能要係DESSERT迷先會欣賞.食完就去左NATIONAL ART GALLERY附近行下, 再去埋LONDON EYE度睇下LONDON既夜景, 真係超靚!!!!之後返去酒店對面個間TESCO便利店度狂掃朱古力比阿妹, 當然唔少得阿妹最愛既MILKY WAY啦~~~
2月3號, 最後一日, 由於搭既係夜晚8點幾機, 所以有一個早上同下午去SHOPPING. 我地去左OXFORD CIRCUS度自由活動, 因為KELVIN佢地都唔太好SHOPPING, 所以分頭行事, 佢地去影相, 我就SHOP個夠. 本來諗住行其中一間大班百貨TOPSHOP, 但係唔知好似ALARM有問題, 成間野都封鎖左, 真係黑....不過好彩撞見到有2架消防車, 有幾個消防員衝入去間野度, 真係超靚仔有型又高大!!!!!!冇得SHOP TOPSHOP, 唯有去附近D鋪頭度, 最後係一間好大既H&M度買左條裙比阿妹, 又去左ACC. 度買左個銀包比佢, 因為阿妹個銀包好舊啦. 又去左一間歷史悠久既貴價百貨公司 - LIBERTY度見到有阿妹好鐘意食既STAWBERRY朱古力, 雖然成5磅一包得幾塊, 不過比佢試下囉. 行到4點鬆D就要出發去機場, 去到送走左佢女友之後我地都去CHECK IN, 好好彩今次COUNTER UPGRADE左我地去超級經濟客位, 個位大D同有腳枕. 入到去DUTY FREE, 我又出動周圍掃, 最後係FCUK度買左件衫比自己, 係入面見到阿妹好鐘意既牌子VICTORIA SECRET既化妝品, 買左D LOTION同LIP GLOSS比佢, 仲買左個小小既紀念品比大家姐. 上到機因為太累, 食完DINNER就訓左, 但係仍然訓得好辛苦, 條頸痛到醒左, 起身巳經係香港時間星期日既下午2點幾, 因為英國慢香港8個鐘.....我白白冇左星期日既8個鐘呀!!!!跟住睇下飛機上既免稅CATALOGUE, 又比我搵到BOBBI BROWN既EYELINER SET, 好抵, 有2瓶EYELINER GEL再加個MINI BRUSH, 只係18.5磅, 我係HARRODS度問過一瓶都要17.5磅呀! 因為阿妹話呢隻野好好, 想試好耐, 所以就買左. 跟住食埋早餐, 下午差不多4點幾到香港, 返到屋企成6點幾. 跟住又要即刻裝扮去我伯伯既60大壽宴, 超趕, 好彩我記得係機場買埋手信比佢地即. 去到帝宛中菜廳, 佢地擺左2圍, D野都幾好食, 返到屋企成11點幾.....真係好累, 不過唔知係唔係時差既關係, 依家巳經係凌晨2點44分, 但係我重未訓........聽日返公司一定超眼訓.....
經過呢個TRIP, 有幾件事要記住:
1. 原來阿妹除左MILKY WAY之外亦好鐘意食FLAKE既, 好後悔只買左一條......
2. 係H&M度本來見到有個袋好啱阿妹, 不過以為佢剛剛買左新袋唔會要, 依家有D後悔冇買比佢
3. 要努力儲錢(雖然真係幾難....), 同阿妹2個一齊自己去旅行..........
4. 今日要努力開始減肥, 係英國食得太多肥膩野, 其實呢個計劃係舊年10月開始爆漲時巳經要開始, 不過冇恆心, 但係呢幾日見到D鬼妹鬼死咁瘦時, 我決定今日開始早餐午餐都唔食, 晚餐只食菜, 食完落平台跑步!!!!!!! |
|
|
