今天從別人口中聽到一些說話

看到心裡確實是不好受

不過我不想再追究到底是真是假, 是誰說過

只是有點估不到, 地方咁細, 人少少原來都會有是有非

過左去就算了, 我都不想再說什麼

我只是覺得, 我的確是有盡過力去做

每個人都有自己的標準

每個人都有自己理想的上司下屬

我知道我不是一個稱職的上司,

但我真的有盡自己的努力去做好每一件事

 

我不是自大,

但我可以對那幾位嫌疑者大膽說一句

如果同一件事, 我用心做出來的結果一定比你們好

我自問出來做事超過了10年, 雖然做過的公司不算多

但之前每位老闆(現在的就不知道)都會認同我的能力

甚至曾經有其中一位邀請我到新加坡受訓 (當然最後因為考慮到很多因素所以拒絕了仲辭埋職)

 

我不是在這裡自吹自雷

不過我想講, 每個人都一定會對自己的上司/老闆不滿的

所以你們說的是真是假都好,

我可以承受的壓力低線都滿了, 所以你們想趁機繼續攻擊我, 隨便,

反正我都不想再理會了

我開始覺得

我不知道生存在世上有何意義了

我到底每天在做什麼?

我到底活著所做的事有什麼意思?

無論如何努力地做什麼, 都會被人JUDGE, 被人批評

不只工作, 愛情, 家庭, 各方面都是

為什麼我的命運會如此?

為什麼別人的愛情可以那麼順利, 那麼美滿?

為什麼我盡心盡力做事, 還是會被批評?

我自問我工作上確實是有努力過的

我承認去年因為其他很多事情分心了, 的確是在HEA.....

不過今年開始, 以及往前幾年, 我是真的有努力地去做好

無奈各人的位置及事情, 實在不到我去做個稱職的位置

我不是大學畢業, 我也不是IQ100, 可能有時出來未夠完美, 但很多事情我都盡力盡快盡自己所能地去做

但仍然會這樣

最痛心的是, 盡力做了那麼多年, 到了今天還是會聽到那2個字.....

 

壓力實在太沉重了.....我實在有點承受不了

我知道每個人都有壓力

可能我比較懦弱吧, 承受不了那麼多的壓力同一時間湧現

我要為感情事煩惱費心, 亦要為工作盡心盡力, 家人不支持自己, 還背負著一筆債項

可能你會說, 這些都是你自己攞來, 怪不了誰

我沒有怪任何人,

我都覺得所有事都是我錯的

只是我自己也想不到原來同一時間要背負著所有的壓力時會是這樣辛苦

有時真的透不過氣

我不開心的程度現在真的找不到形容詞來表達

 

我希望很快會有一天

我可以丟下所有這些煩惱........

 

 

展覽終於完哂, 不過善後功夫多到爆

頭又繼續痛, 依家每晚食必理痛都無用.....但係佢又係腦入面不斷LA住LA住

真係好辛苦......

不過痛還痛, 工作還是要KEEP住做的....

今晚買左盒強力快速版既必理痛, 希望呢個有效啦....

唉....成個WEEK都係咁痛法真係唔係辦法, 希望真係只係最近工作太多引起了...

真係唔想再有咩大刺激了....

 

BTW, 上次行街時個袋無啦啦爛了, 真係心痛死, 因為係日本買的.../_\

好在我在妹子店鋪個附近既品牌睇中左個大袋袋~

今次呢個袋袋好輕身, 但又夠大, 款又靚

仲要妹子有半價優惠~~

再加上這個袋子是他送的~^0^

真的開心, 今次我一定唔會再咁快整爛架啦~~哈哈~~

辛苦2個星期既展覽終於都結束了!!!!

呢幾日正式做展覽2邊走來走去, 應付新既walk-in客之餘又要不停電話應付舊客既問題

都咪話唔辛苦.....下次真係千其唔好再2個展覽同時間舉行呀....

不過今天真係奇景, 無啦啦居然撞番一個無見2,3年既同行

呢位同行當真吹水唔抹咀 (我諗我d舊同事都估到佢係邊個~~哈哈),

佢一出現又令我諗番起好多野, 真係好攪笑

不過佢呢種世界仔又確實係社會上比較吃香既~

 

今日係灣仔算係執野執得快了, 4點開始執, 6點左右就可以番到公司了

不過明天一早又要6點起身趕7點半既火車上廣州......

唉.....真係好累.....我仲特別帶左盒必理痛旁身.....

我諗番到來時應該成盒都會比我食哂了....

尋晚同客食完飯...回到家頭痛到爆

馬上食左2粒必理痛,

開了公司電腦收了EMAIL, 不過太頭痛所以收完EMAIL就訓了....

諗住今天早上先再攪埋才去展覽

點知今早另一個同事又遲到, 攪到展覽個度無人

老闆馬上打電話來產了

唉....我都係遲左1個鐘去到, 今朝早都有同佢講的

講真上星期開始每晚為左做個D POSTER呀, BANNER呀晚晚都攪到通頂

星期6,日都完全無休息過

呢幾日個頭都不斷痛得好利害, 晚晚都要食必理痛

今早我都係因為唔想得失個客先馬上攪埋份ENQUIRY者....

唉....早知係咁我就唔自己做POSTER, BANNER, 比人做每張起碼收番300蚊算了

諗住為公司慳錢....不過捱了又如何...都冇人知冇人可憐的..../__\

今天雖然是星期日, 不過一早又要公司

整理最後要執去展覽既sample同各種物品

執到11點左右就先出發去灣仔set野了

依家灣仔會展個度做緊擴充工程

所以好多野都改哂, 連電梯都無埋...../_\

無電梯, 成車10幾箱野點搬上去呢?

yes, 就係3個人, 我地走來走去一箱箱咁搬上樓梯了.....

搬完之後我人都散左一半.....=.=

跟住就執到2點幾, 終於都攪店左~

 

跟住一行人就再坐車去機場既博覽館了~~

再繼續體力勞動到差不多6點....

終於都叫做攪店了9成了!!!

真係累到想暈低..../__\

 

不過跟住出番市區, 我就回復快樂的心情去吃飯行街了~^__^

今晚去左太古既apita度行街街, 順便去探我的妹妹~

跟著就去了foodcourt度吃了個意粉~

味道不是很好....又很貴....成$43蚊...../__\

吃完後就陪人去買電腦了~~^^

回到家都差不多11點了....

雖然身體真的很累很累......不過心裡還是覺得很高興很充實, 因為覺得這樣才沒有白費時間~^0^

 

題外話....

最近愛上了吃這個紫菜

每晚都一定要吃1-2包才滿足~~

就算有時候放工累到沒胃口吃晚飯, 但都仍然有胃口食2包....=.=

 

 

呢條路係我自己選

我知我自己做緊咩

我唔開心, 我係呢度發洩, 我同close fd傾訴

我只係想舒發下自己既不快,

我唔想有仕何人迫我教我分手

我想分時我會自己決定分,

不需要任何人來話比我聽應唔應該分

我數佢既缺點, 講佢既錯事,

我原意係想尋求一d方法去改善

完全不是博取任何人的同情

我知道人天生都是自私的

總是會將自己的一套想法加在別人身上, 甚至想硬性希望別人跟著他的意思去做

我的感情生活可能沒有你地想像/經歷/預計的那麼美好完美

但每個人的人生故事都不同,

你怎知道如果遇到一個對我好好, 照顧我周到的人我一定會覺得快樂?

你怎知道雖然他現在仍有很多缺點有時對我很過份但我有時候沒有得到快樂比從前的高很多倍?

Do we have to sacrifice all the good times because of those bad times?

誰說人生一定要100%快樂的? 誰說人生之中一定要有100%完美的愛情????

你地身邊周圍的人都有完美的愛情但不等於也要迫我都要有的

 

我都說了, 以後我都不會再在你們所有人面前(所有人, 是任何一個人) 提起我的感情生活及對象

就算以後結婚(不理對象是誰)也不會, 以前會想生BB, 但現在應該會考慮不生了

人生很短暫, 今日不知明天事, 可能意外什麼的一個不留神就會離開這個世界

所以我想係有生之年做我自己鐘意做既野, 我不想任何人係度鼓吹我要點走我自己既路

唉....下星期2個展覽會一齊來, 仲要同時間進行

舊年就話有designer幫手整poster整banner

今年人就炒哂...只餘下3個人攪2個攤位

其中一個仲要係何其咁大

雖則sample個d我叫左我女同事攪,

但佢又要一邊攪出貨驗貨個d野, 根本都無咩好多時間去整

另一個又要整報價單

變相我就要負責整哂2個攤位既poster, banner同易拉架

仲要keep住追工廠既板同價錢

同一時間, 日日都有幾個客唔係要搵野就要報價

基本上office hour跟哂d客既野都無哂時間攪展覽d野

最廢係公司電腦, 一係電腦整poster個d野就全部hang機!!正!!

攪到我要帶哂d野番屋企食完飯就要即時開工....

呢幾晚, 晚晚都趕到凌晨.....

有時真係做到好累好眼訓....但係又要趕住交....

 

最慘情既係來緊星期日要一早去set展覽場地

跟住4日都要出去展覽

到左23號個日, 肯定pack野pack到唔知幾點....

跟住24號我原來仲要去廣州上去廣交會!!!!!

最大問題係仲要坐早上7點半既火車..............呀呀呀呀................

 

我好累呀....../___\

今天雖然是星期日, 但還是習慣地9點多就起床了

上網hea了一會, 等妹妹也起床了,

突然心血來潮, 不如落樓下食個豐盛的早餐吧!!!^0^

所以2個人就極盡街坊裝地落左樓下的delifrance度食早餐

有炒蛋, 炸魚柳, 粟米, 忌廉磨菇, 一大條法包~

自己一個ko了一整份, 再加杯熱咖啡, 真的很飽呀!!!!^0^

這個時候突然記起了今天不就是一年一度的婦女銀袋日嗎??

差點都忘記了!! 雖然平日一向都對入馬場麻麻,

不過今天真的不同, 今天我自己都想入去

因為婦女銀袋日除左有賽事之外, 由於係莎莎贊助的, 所以場內有很多扮靚活動, 又有很多紀念品賣, 而且最重要的是每個入場者都有免費的靚靚扣針呀!!^_^

一進去, 我地就去左沙圈霸定個固定既位置先~

雖然仍然是麻甩佬很多, 不過今天是特別日子, 所以都見到很多後生仔女或一家大細來看熱鬧~

我自己坐了一會, 就偷走出去, 想買個紀念品, 目標當然巳經一早就鎖定了, 就是想要那個閃閃石的筆呀!!!

但一去到就十分失望了, 原來筆一早巳經賣光.....

但我很奇怪, 攤位都係剛剛才開, 我又一早就去到, 點解可以咁快賣哂呢? /__\

算了, 所以我再周圍逛了一會, 心情也很不錯, 因為周圍都很熱鬧, 有的在賣漂亮的帽子, 有的在幫人化妝, 仲有不少穿得很誇張的少女, 希望參加哪個什麼最佳衣著選舉,

更有趣的是除了少女, 也有很多上了年紀的中年婦人樂此不疲的走上台讓大家拍照也來競選一番.^o^

由於早上吃了太多, 所以午餐都沒有吃什麼, 只是買了一盒魚蛋蘿蔔2個人分來吃

一盒小小的魚蛋豬皮竟然要22蚊!!!搶錢呀!!!!!!>____<

這天除了看到很多名人明星之外, 還發生了一個十分旱見的意外呀!

事緣其中一場係沙圈神父白德民上馬時隻馬居然一野拋左佢落地,

白神父即時在地上動彈不得, 很多救護員馬上趕來抬佢出去, 之後仲要送醫院/__\

所以餘下既賽事都要由其他人頂替佢了.

本來由佢騎既爆炸都要由第二個騎.....>__<

今天的重頭戲當然是第8場, 因為有何鴻生個隻爆炸出場呀!!!

我都說它一定會win, 雖然係大熱門, 賠得少, 但如果買獨win50蚊都一定會有300幾蚊回報的

可惜臨尾大家都3心2意最後都係放棄左買佢.

點知最後佢真係臨尾追上跑第一,

個心即時LA住LA住...../_\

不過算啦, 依D都係講命運彩數, 玩下就算, 可能到時買左又唔會WIN架啦....好難講的....

晚上去了尖咀吃和民, 不過我仲係好飽, 所以唔係叫左好多野, 埋單2個人都係2百幾蚊.

吃完飯就去看了套'情迷巴塞隆納'

點解會睇呢套? 因為有人以為呢套野一個男主角, 好多個女主角, 男主角盡享齊人之福, 以為一定有好多'精彩'的鏡頭

怎知道成套戲真係悶過去圖書館........

劇情巳經夠悶架啦, 好心就搵個靚仔D既男主角啦......仲要搵個咁醜既...

真係中段睇到就來訓著....

今天星期六, 上午上班過後, 放工就回家HEA了.

上了一陣網, 頭有點重, 頂不順, 先弄個午餐吃吧.

上次整左2個日式意粉, 今次整個什菌茄醬意粉吃~^0^

賣相一PAT野...不太好=.=.....不過味道還不錯的呀~^_^

過了一會大家姐說帶廉姐來我們家玩~嘩~太高興了!!!!^O^

不過今天的廉姐不知怎的有點呆滯, 不太活躍, 常常都要找媽媽,

好在因為我成日都去探佢, 佢認得我, 我抱佢同佢玩佢都無喊,

不過我妹就慘了.....因為她比較少見廉姐,

所以今天她一抱或走近廉姐佢就會放聲大哭...../_\

真的不是味兒.....

傍晚我們成家人仲落左樓下既小型兒童遊樂場陪廉姐玩, 真係巴閉~~^^

如果今天廉姐可以笑多D就好了.....

 

嚴格來說, 我過的是單身的生活

請大家以後不要再提起我的愛情, 我的感情現在是一片空白的

******************************************************

昨天某人的說話令我受的傷害很大

整晚都沒有睡, 不斷的哭

今早本來要去拜山, 但因為太頭痛起不了床,

還被媽媽大罵了一頓

整天都躺在床上, 什麼東西都沒有吃過

不停的想到底我在做什麼

到了傍晚終於起床, 不是因為肚餓

而是我不想再這樣頹廢了, 我也是有我自己的生活,

我不再想跟著某人的生活去走

以前我單身的時候, 也是跟妹妹吃吃喝喝,

看看DVD, VCD也是很快樂的

所以晚上跟妹妹去了附近餐廳吃了個晚飯

聽聽她的近況, 也說說自己的心情

有個人安慰一下心情也舒服了很多

晚上吃吃零食, 重看一下'FRIENDS', 大笑一番也很不錯

 

昨天太嬲的關係, 所以冇寫到以下的內容, 依家補番.

昨天下午實在閒得很, 午餐在家找來找去都不知道想什麼

突然想起前2天買了一包意粉

就心血來潮地自製了2款日式意粉: 明太子意粉AND 日式什菌意粉

今次終於掌握到做微硬意粉的技巧了!!!! 吃了一口, 對了!!就是我一直喜愛的硬度呀!!!

我做的2款意粉也不賴吧~~＼(^O^)／

好好吃呀~~不過份量也太多了....明太子的較好吃, 所以被我一人KO了

什菌的也很清爽, 不過吃了一半實在吃不下了...Σ(￣◇￣*)

下次想試試再濃味一點的茄醬意粉~o(^o^)o

今晚本來好好地出來食飯

你突然提出要借我的電腦用

我不是不想借, 但我電腦內真係有很多東西數據, 說真的我從來沒有呃過你什麼,

但至少電腦內有些銀行/基金資料, 作為自己的小小私隱也不過份吧

我說不想借, 你雖然說算數, 但你的臉和態度180度轉變, 擺到明就是不高興

跟你說跟你解釋, 你又說不想再提

好, 算, 你想吃PIZZA HUT, 就不跟你嘈, 諗住同你吃埋飯回家算

途中一前一後, 你一不高興就好鐘意墮後, 無癮得很

而我途中因為下大雨, 鞋子很跟可能濕了水變得很刮腳, 刮到我腳跟流哂血

但我仍然一拐一拐的走去餐廳, 你沿途不聞也不問一聲

好, 都算. 我自己忍痛都走去餐廳拿飛等位

你就完全無動於忠坐係度自己玩手機

好啦, 有位啦, 我入埋餐廳你都唔知, 好啦, SMS比你啦

入到來餐牌又唔睇, 淨係掛住玩手機

問你食咩又唔講, 叫你自己點又唔點, 擺埋個餐牌係你面前, 睇2睇

仲要突然丟低個餐牌話: 我唔想食啦, 我走啦

自己一個走左出去, 留低我自己一個係位

我呢世人從來都未試過比人咁丟低係餐廳

此舉實在係沒禮貌得很

我嬲到馬上衝左出去追住你抓住你問你算點

你仲要一副不耐煩的態度

同你講你又唔聽

 

黃生, 你話你工作不高興, 難道我工作又好高興嗎? 我同你一齊咁耐, 我有冇因為工作既事向你申向你發脾氣??

我有冇因為工作有壓力就SEND個SMS同你講話因為工作辛苦, 唔好EXPECT我出到來會笑咁呀?

你話我唔專重你感受!?!? 哈哈, 我聽到真係想笑想打你2巴, 我唔專重你? 你從來有問題時, 我有冇幫你分析有冇盡力去幫你?

你每次出到來都同我申你屋企既野, 工作既野, 我有冇唔聽你講? 我有冇安慰你? 我有冇幫你分析?

我知道你工作辛苦, 每次見面時都盡量滿足你, 你話中意食咩都就你, 你想去K房睇波又陪你, 你想入馬場我都陪你

好, 你話星期日下午一定要睇馬, 我都讓步留在家等你睇完先出來

你話係屋企唔講得電話, 好, 我都唔介意每天只以幾個SMS聯繫

咁樣都話我冇專重你? 咁你想點樣先為止專重你? 

我又反問你一句, 你有冇專重過我感受????

你自己諗下, 從來你有問題我都會第一時間幫你, 我有問題時你有關心過嗎?

我同你講過我肩膀巳經痛到發哂炎, 你有記得嗎? 每次出來都只要求我幫你按摩

每次我病時你有打過電話來關心下嗎?   

我行到腳流血你有望過一眼嗎?

你突然自己一個走出餐廳丟低我一個, 比其他所有人係度望, 你有理過我感受?

從來每一樣野都係我就你, 你都可以仍然話我霸道, 話要忍我

我真係唔知我霸在哪裡!!!

你話我黑面?? 你自己想下, 有邊次係你自己先黑面, 我見到你黑我先黑面的?

每次話你, 你都話我屈你黑面, 大佬, 唔該你以後帶塊鏡出街, 照一照你自己黑面時既樣先啦

你話我難頂, 你完全唔知你自己黑面時的樣子跟態度更加討厭

每次你取笑我話我, 我唔高興你就話我情緒化

但我有時只是講笑下你, 你就馬上甩開我的手推開我

每次吵架時你都要將所有錯怪哂我

講到自己是悲劇男主角一樣

你一句唔開心就可以大哂

我唔開心時邊個關心我??

 

我呢一刻真係好嬲好嬲你

如果我不是為你好, 我根本由始至終都唔會理你唔會CARE你

我真的自問, 作為一個女朋友我真係為你付出太多了

但你都不懂去珍惜, 每次有問題時

你的態度都是像對我說: 分手咪分手, 反正我都不在乎

你從來都不會TUM我, 不會認錯, 不會認低威, 乜都有得賴

我真的越來越心淡......

有時我真的以為我才是男人.....

今天放工回到家等男友電話

因為佢依家經常要ot...../_\....真辛苦...

等到差不多3點, 佢終於都放工了!!!

馬上去九龍塘的又一城會合他~~

2個人走了去delifrance度吃了個set lunch

我吃了個海鮮意粉也不錯的說

不過埋單都要差不多200蚊, 有點太貴了....

跟住2個人就周圍閒逛下, 二人世界一下~

不過中途發生了'血案'...不過沒事了~

晚上又是在又一城解決晚餐~

男友想吃壽司, 但不想再吃元氣了....吃得太多

所以就試下又一城的板前壽司

不過勁多人等位

我地去拿飛時要等成80幾張枱

唯有先再周圍行下了

等了差不多一個鐘就有位了

不過位置很差, 對正門口

所以我地都沒有什麼胃口, 吃了幾碟就走了.

不過今天還是很快樂~~

 

昨天冇番工

今天一番到去公司, 居然見到我呢生最驚既其中一種東西 - 蟻!!!!!!!

真係嚇到半死, 唔係2,3隻, 而係成張枱都係, 尤其係茶杯, 起碼有10隻以上!!!

枱邊周圍都佈滿哂佢地, 真係完全唔敢店張枱

好彩清潔阿姐幫我清左大部份, 仲抹哂張枱

但係周不時都會彈出幾隻, 我巳經好大膽咁一見到就馬上用布殺死佢地

但係我實在不夠膽去搵個源頭

前幾日係我女同事張枱, 今日輪到我張枱

聽清潔阿姐講隔離公司仲利害

所以我懷疑應該係對面個間公司裝修攪到D蛇蟲鼠蟻四散

成朝都唔敢店張枱, 對手要遠距離凌空打字, 辛苦到暈

好彩一到LUNCH, 我即刻衝去超級市場狂掃殺蟲水同噴霧

番到公司起勢係咁噴, 臭到嘔.....今次真係唔係佢地死就我亡呀~~

攪到我今日完全冇心機做野....時不時要望下周圍有冇敵人出現/_\

雖然我都知道咁樣殺佢地係好衰,

但我真係好驚好驚

 

今天十月一日是國慶日~

難得的紅假, 一早9點幾就起了床

跟男友商量今天的活動

本來想整天都待在馬場內

但說實在, 我真的不想難得的假日整天都坐在馬場內

最後一人讓一步, 先去看戲後再去馬場

我們先去了朗豪坊看了12:20分的[鷹眼追擊]

雖然套戲長達2個鐘, 但真係的很好看!!!

實在是最近我看過的戲之中最好看最緊張的一套!!!

幾乎沒有什麼冷場, 而且男主角沙拉保夫其實都幾好戲架~

看完後就去了下面的foodcourt諗住吃小小野

不過人太多了, 就去了旁邊的[ 簡單厨房] 吃set lunch

味道不是太好, 而且好貴, 埋單2個人成200蚊, 唔太抵

 

跟著3點多就去沙田馬場了

入到去都差不多4點, 所以不需要入場費

但奇怪今天雖然是假日, 但人好像少了很多

我們去了沙圈那裡, 很容易就找到位置坐

我就一邊聽著mp3一邊睡在他的膊上陪他看~

看到6點左右散場, 我們就坐番火車去尖東了~

 

去到尖東都係6點半左右, 我地就去了NEWAY CEO食buffet兼唱k了~

不過呢間ceo不及銅鑼灣那間, 食物少很多, 又不太好吃

我只吃了一些沙律跟生果, 男友又眼闊肚窄了

拿了一大堆食物最後又食唔哂.....太浪費了.../_\

慣例地大部份時間都是我唱歌~哈哈~

因為佢唔太唱, 所以正好我可以自己唱哂鐘意的歌~^0^

唱到差不多10點, 其實都仲可以唱的, 不過男友明天要上班一早起身,

所以我地就埋單走人了

回到家都差不多11點了~

 

雖然很累, 不過今天也很充實~^_^